15:03, 08 - قىركۇيەك 2017 | GMT +6
بريتاندىق ديزاينەر بالامەن بىرگە «وسەتىن» كيىم ويلاپ تاپتى
استانا. قازاقپارات - بريتاندىق ديزاينەر رايان ياسين بالالاردىڭ وزىمەن بىرگە وسەتىن كيىم ويلاپ تاپقان.
ديزاينەر ەرەكشە بۇرمەلەنگەن ماتا جاساپ شىعاردى، ونىڭ ۇزىندىعى جانە ەنى بالانىڭ مولشەرىنە قاراي سوزىلىپ وتىرادى. ماتا سۋ وتكىزبەيدى جانە وتە مىقتى، ماشينامەن جۋۋعا جانە قايتا وڭدەۋگە بولادى.
جاڭا ماتادان جاسالعان كيىم ءۇش ايلىق بۇلدىرشىننەن ءۇش جاسقا دەيىنگى بالالارعا ارنالعان. جاڭا ماتانى جاساپ شىعارۋ بارىسىندا ياسين ءوزى كوللەدجدە وقىعان اەروناۆتيكالىق ينجەنەريا قاعيداتتارىن نەگىزگە العان.
ونىڭ سوزىنە سەنسەك، تۋىندى اتا- انالارعا اقشا ۇنەمدەۋگە كومەكتەسەدى جانە بالا كيىمىن ءوندىرۋدى قىسقارتۋ ارقىلى قورشاعان ورتانىڭ لاستانۋىن ازايتادى.
دەرەككوز: كوررەسپوندەنت
