بيىلعى تالاپكەرلەر اراسىندا قاي ماماندىقتار سۇرانىسقا يە

استانا. قازاقپارات - ق ر ءبىلىم جانە عىلىم مينيسترلىگى بيىلعى تالاپكەرلەر اراسىندا سۇرانىسقا يە بولعان ماماندىقتار ءتىزىمىن جاريالادى، دەپ حابارلايدى قازاقپارات.

 مينيسترلىكتىڭ حابارلاۋىنشا، بيىل مەملەكەتتىك بيۋدجەت قاراجاتى ەسەبىنەن جوعارى ءبىلىم الۋ ءۇشىن رەزەرۆپەن قوسا، بارلىعى  34907 گرانت تاعايىندالدى. ءبىلىم بەرۋ گرانتى كونكۋرسىنا قازاق ءتىلى بولىمىنە 79 پايىزى، ورىس ءتىلى بولىمىنە 21 پايىز ادام تاپسىرعان. «2017-2018 وقۋ جىلىنا ارنالعان جوعارى جانە جوعارى وقۋ ورنىنان كەيىنگى ءبىلىم بەرۋ باعدارلامالارى بويىنشا مەملەكەتتىك ءبىلىم بەرۋ گرانتتارىنىڭ بارلىعى يگەرىلدى. رەسپۋبليكالىق كونكۋرس ناتيجەسى بويىنشا تالاپكەرلەر اراسىندا «حالىقارالىق قاتىناستار» (1 ورىنعا 16 ادامعا دەيىن)، «قۇقىق تانۋ» (37 ادامعا دەيىن)، «كەدەن ءىسى» (10 ادامعا دەيىن)، «حورەوگرافيا» (22 ادامعا دەيىن)، «ساۋلەت» (22 ادامعا دەيىن)، «ديزاين» (28 ادامعا دەيىن) سونداي- اق، تەحنيكالىق ماماندىقتار بويىنشا «گەودەزيا جانە كارتوگارفيا» (5 ادامعا دەيىن)، «ەلەكترو ەنەرگەتيكا» (4 ادامعا دەيىن) ماماندىقتارى سۇرانىسقا يە بولدى»، - دەپ جاۋاپ بەردى باسپا ءسوز قىزمەتى قازاقپارات ءتىلشىسىنىڭ ساۋالىنا.

ءبىلىم بەرۋ گرانتتارى تالاپكەرلەردىڭ زاڭ جۇزىندە بەلگىلەنگەن جەڭىلدىك ساناتتارى ەسەبىمەن ۇلتتىق ءبىرىڭعاي تەستىلەۋ نەمەسە كەشەندى تەستىلەۋ بويىنشا جيناعان بالدارىنا سايكەس تاعايىندالعان.

اۆتور: ايجان سەرىكجان قىزى