دۇرىس تاڭعى اس قانداي بولۋى كەرەك - ديەتولوگتىڭ كەڭەسى
جاڭا عىلىمي زەرتتەۋلەر ءبىر- بىرىنە قارسى شىعىپ، تاڭعى اس ءىشۋ تارتىبىنە كۇمان كەلتىرەدى. ادامداردىڭ تاڭعى اسقا دەگەن ەرەكشە قىزىعۋشىلىعى نەگە بايلانىستى، قازىرگى ۋاقىتتا دۇرىس تاماقتانۋ قانشالىقتى ماڭىزدى جانە تاڭعى اس قانداي بولۋى كەرەك؟
مۇنى ءبىز جوعارى ساناتتى گاستروەنتەرەولوگ دارىگەر ولگا وسترۋك پەن تەراپيەۆت- دارىگەر، ديەتولوگ تاتيانا چيەۆوليۋك سىندى مامانداردىڭ ارقاسىندا انىقتادىق.
پايداسى: ارىقتاۋ مەن دەنساۋلىق
ديەتولوگتاردىڭ ايتۋىنشا، كۇندى تاڭعى استان باستاۋدىڭ پايدالى جاقتارى وتە كوپ. ونىڭ ءۇش نەگىزگى سەبەبى تومەندەگىدەي:
ارىقتاۋ
سالماعىن قاداعالاپ وتىراتىن ادامدار ءۇشىن تاڭعى اس ءىشۋ مىندەتتى. تاڭعى اس كۇنى بويى اسقازاندا اشتىقتى سەزىندىرمەيدى. سول ارقىلى اعزاداعى زات الماسۋ پروتسەسى باياۋلاپ، تاعامنىڭ اسقازاندا قالىپ قالۋ مۇمكىندىگى جوعارى بولاتىن تۇسكى اس پەن كەشكى اس كەزىندە تاماقتى از جەۋگە اسەر ەتەدى.
كەيبىر عالىمدار تاڭعى استىڭ ادام مۇسىنىنە اسەرىن جوققا شىعارادى، ال كەيبىرەۋلەرى ءتىپتى تاڭعى تاعامدى ءمۇسىنىن ساقتايتىندارعا زيان دەپ ەسەپتەيدى. ءبىراق، باتا ۋنيۆەرسيتەتى عالىمدارىنىڭ زەرتتەۋلەرىنە قاراعاندا تاڭعى اس ىشكەن ادام كۇنى بويى بەلسەندى بولىپ جۇرەدى. تاجىريبە ناتيجەسىندە تاڭعى استى ۇنەمى ءىشىپ جۇرگەن ادامدار كەشكە دەيىن قيمىل- قوزعالىستا بولعان جانە ول دەنساۋلىقتارىنا وڭ اسەر ەتكەن.
زات الماسۋ پروتسەسى
دۇرىس تاڭعى اس مەتوبولليزمدى جۇرگىزىپ، اعزا كۇنى بويى الاتىن كالوريانى دۇرىس پايدانالانادى. 8 جانە 15 ساعات ارالىعىندا اعزاداعى فەرمەنتتەر وتە بەلسەندى بولادى. سول سەبەپتى اس قورىتۋ جۇيەسى اۋىرلىق سەزىنبەيدى.
ديابەتتىڭ دامۋىن تومەندەتەدى
تۇنگى ۇيقى كەزىندە اعزا ۇزاق ۋاقىت سۋ مەن تاعام پايدالانبايدى. وسىنداي اشتىق قانداعى قانتتىڭ مولشەرىن تومەندەتەدى جانە ونىڭ ورنىن اقۋىزى مول جانە كۇردەلى كومىرسۋلارى بار دۇرىس تاڭعى اس تولىقتىرادى. ەگەر تاڭعى اس ىشپەي قالساڭىز قانتتىڭ مولشەرى ودان دا ءتۇسىپ وزىندىك قۋاتىنان ايىرىلعان اعزا تابەتتىڭ ناشارلاۋىنا اكەپ سوقتىرىپ، ارتىق تاماق ىشۋگە سەبەپ بولادى.
ء«وزىمنىڭ مەديتسينالىق تاجىريبەممەن بولىسە كەتسەم، تاڭعى استىڭ ماڭىزى وتە زور. ءبىراق ونىڭ مولشەرى مەن قۇرامى ادامنىڭ اعزاسى مەن دەنساۋلىعىنا بايلانىستى ءارتۇرلى بولادى»، - دەيدى ولگا وسترۋك. سول سەبەپتى ەستەرىڭىزدە بولسىن، ەگەر ءوز اس مازىرىڭىزگە، ءومىر ءسۇرۋ تارتىبىڭىزگە جانە جالپى دەنساۋلىعىڭىزعا ءمان بەرمەسەڭىز، تاڭعى اس ادەمى ءمۇسىن مەن ءوزىڭدى جاقسى سەزىنۋگە ارنالعان پاناتسەيا ەمەس. تاڭعى استىڭ پايداسى تۋرالى سالاۋاتتى ءومىر ءتارتىبىنىڭ باسقا قىرلارىمەن بايلانىستىرا ايتقان دۇرىس.
ەگەر اس باتپاي جاتسا: نەگىزگى سەبەپتەر
مامانداردىڭ ايتۋىنشا، ەرتەڭگى ۋاقىتتا ازداپ اشىعۋدى سەزىنۋ قالىپتى جاعداي. ءبىراق كوپشىلىگى ءوز تاجىريبەسىنەن تاڭ مەن استىڭ ءبىر- بىرىنە ۇيلەسە المايتىنىن ايتا الادى. سەبەبى، كوپتەگەن ادامدار تۇندە ۇيقىسى قانباعاندىقتان، تاڭەرتەڭ تابەتى بولمايدى. اعزانىڭ مۇنداي ارەكەتىنىڭ سەبەبى نەدە؟
ادەتتىڭ بولماۋى
كۇندەلىكتى ەرتەڭگى اس ءىشۋدى ادەتكە اينالدىرعان ادامدا اس شىرىنى ءبولىنىپ تۇرادى جانە سول نارسە تاڭەرتەڭ ادامنىڭ قارنىن اشتىرادى. ەگەر كۇندى اس ىشۋدەن باستايتىن ادەت بولماسا اسقازاندا اس شىرىنى بولىنبەيدى. بۇل اس قورىتۋ جولى جۇمىسىنىڭ بۇزىلۋىنا اسەر ەتىپ، ادام دەنساۋلىعىنا كەرى اسەرىن تيگىزەدى.
بۇزىلعان ءتارتىپ
كەش ۇيىقتاپ، تۇسكە قاراي ويانۋدى ادەتكە اينالدىرعان ادامداردا فەرمەنتتەردىڭ بەلسەندىلىگى ۋاقىتقا بايلانىستى بولادى. ونداي جاعدايدا تاعامدى قورىتۋ دە ەرتەڭگىلىكتەگىدەي بەلسەندى بولمايدى. ۇيىقتاپ جاتقان اعزا تاڭەرتەڭ اشتىقتى سەزىنبەيدى.
اس- قورىتۋ جۇيەسىنىڭ بۇزىلۋى
ولار كوپ جاعدايدا تاڭەرتەڭگى تابەتتىڭ بولماۋىمەن جانە جەڭىل جۇرەك اينۋىمەن بايلانىستى بولادى. كەي جاعدايلاردا ول اۋرۋدىڭ بەلگىلەرى بولۋى مۇمكىن، سول سەبەپتى ءوزىڭىزدى ءجيى جايسىز سەزىنەتىن بولساڭىز، دارىگەرگە كورىنگەنىڭىز دۇرىس.
ەگەر اتالعان ماسەلەلەردىڭ ىشىنەن وزىڭىزدىكىن تاپساڭىز دۇرىس شەشىم، البەتتە، دۇرىس ۇيىقتاۋ، از- ازدان تاڭعى اس ءىشۋدى ادەتكە اينالدىرۋ . سونىمەن بىرگە تاڭعى اس ءىشۋدى قالىپتاستىرۋ ءۇشىن كەشكى استا ىشەتىن تاعامنىڭ مولشەرىن ازايتۋ جانە كەشكى اس مولشەرىن تاڭعا اۋىستىرۋ ۇلكەن كومەك بولادى.
ارىقتاعىسى كەلەتىندەرگە ارنالعان كەرەمەت تاڭعى اس
تاتيانا چەۆاليۋكتىڭ پىكىرىنشە، تاڭدى ادەتتەگى سۇلى بوتقاسىنان ەمەس، جەڭىل پروتەيندەرمەن باستاۋ كەرەك. ونداي ونىمدەرگە قىشقىل ءسۇت ونىمدەرى، سۇزبە، جۇمساق ىرىمشىك پەن جۇمىرتقا جاتادى. اقۋىز مەتوبوليزمدى جىبەرەتىن، مي مەن بۇلشىق ەتتەرگە ارنالعان قۇرىلىس ماتەريالى بولىپ تابىلادى. اقۋىزدى تاڭعى استىڭ پايداسىن امەريكالىق عالىمداردىڭ كەيبىر زەرتتەۋلەرى دە دالەلدەيدى. ولاردىڭ ايتۋىنشا پروتەينگە باي تاڭعى اس ىشكەن ادام كۇنى بويى اشتىقتى سەزىنبەي، كالوريا قولدانۋدى تومەندەتىپ، سول ارقىلى ارىقتاي الادى.
مامانداردىڭ رەتسەپتى: قانت قوسىلماعان سۇزبەلى ءبالىش
200 سۇزبە
1 جۇمىرتقا
1 بانان
دامىنە جانە تاڭداۋىڭىزعا قاراي ۆانيل، كوريتسا، سەدرا، مەيىز
بارلىق قوسپالاردى بلەندەردە ارالاستىرىپ، قالىپقا قۇيىپ، قىزعان پەشكە قويامىز. 170°س تەمپەراتۋرادا 30 مين پىسىرەمىز.
دەرەككوز: http://www.segodnya.ua
