اقتوبەدە دالا ءورتىن ءسوندىرىپ جۇرگەن اۋىل اكىمى مەن مۇعالىم قازا بولدى

اقتوبە. قازاقپارات - اقتوبەدە دالا ءورتىن ءسوندىرىپ جۇرگەن سۇلۋكول اۋىلىنىڭ اكىمى باتىربەك بىرلەپەسوۆ پەن مەكتەپ مۇعالىم جولدىبەك ءابدىسالىموۆ قازا بولدى.

  وقيعا بويىنشا قىلمىستىق ءىس قوزعالدى، دەپ حابارلايدى قازاقپارات ءتىلشىسى.

«4 - قىركۇيەك كۇنى ايتەكە بي اۋدانى، سۇلۋكول اۋىلىنان 18 شاقىرىم قاشىقتىقتا دالا ءورتى تىركەلدى. ءورتتى ءسوندىرۋ كەزىندە ءۇش ادام زارداپ شەكتى. 41 جاستاعى اۋىل اكىمى وقيعا ورنىندا قازا بولدى. ال ەكى ادام ايتەكە بي اۋداندىق اۋرۋحاناعا جەتكىزىلدى. 39 جاستاعى مۇعالىم اۋرۋحانادا كوز جۇمدى. ءۇشىنشىسى ەم الىپ جاتىر. وسى وقيعاعا بايلانىستى سوت مەديتسينالىق ساراپتاما تاعايىندالدى» ، - دەدى اقتوبە وبلىستىق ءى ءى د باسپا ءسوز جەتەكشىسى نۇرگۇل قوناقبايەۆا.

 ايتا كەتەيىك، قازىر قىلمىستىق كودەكستىڭ «ءورت قاۋىپسىزدىگى تالاپتارىن بۇزۋ» بابى بويىنشا ءىس قوزعالىپ، تەرگەۋ باستالدى.

اۆتور: التىناي ساعىندىقوۆا