قىزىلوردا اكىمى بوكسشى قامشىبەك قوڭقابايەۆقا كولىك سىيلادى

قىزىلوردا. قازاقپارات - قىزىلوردا وبلىسىنىڭ اكىمى قىرىمبەك كوشەربايەۆ گەرمانيا جانە قىتاي مەملەكەتتەرىندە وتكەن سپورتتىق جارىستاردىڭ جۇلدەگەرلەرىمەن كەزدەستى، دەپ حابارلايدى قازاقپارات ءتىلشىسى.

 وبلىس اكىمى حالىقارالىق جارىستاردا جۇلدەگەر اتانعان قامشىبەك قوڭقابايەۆقا اۆتوكولىك كىلتىن، رۇستەم سىبايعا 2 ميلليون تەڭگە، ال ولاردىڭ باپكەرلەرىنە 500 مىڭ تەڭگەنىڭ سەرتيفيكاتتارىن تابىستادى.

 ەستەرىڭىزگە سالا كەتەيىك، گامبۋرگتە 25 - تامىز بەن 2 - قىركۇيەك ارالىعىندا بوكستان اۋەسقويلار اراسىندا وتكەن ⅩⅨالەم چەمپيوناتىندا قازاقستان قۇراماسى 1 التىن، 2 كۇمىس، 3 قولا جۇلدەنى ولجالاپ، جالپى كوماندالىق ەسەپتە 3- ورىندى يەلەنگەن بولاتىن. جەرلەسىمىز قامشىبەك قومقابايەۆ «كۇمىس» مەدالدىڭ يەگەرى اتاندى.

 زىلتەمىرشى رۇستەم سىباي دا 19-30 - تامىز ارالىعىندلا قىتايدىڭ تايبەي قالاسىندا وتكەن 29- بۇكىلالەمدىك جازعى ۋنيۆەرسيادادا 2- ورىندى جەڭىپ الدى.

 وبلىس اكىمى سپورتشىلاردى جەڭىستەرىمەن قۇتتىقتاپ، وڭتۇستىك كوريادا وتەتىن ازيا ويىندارىندا جانە 2020 -جىلى توكيودا وتەتىن وليمپيادادا جارىستارىندا ساتتىلىك تىلەدى.

 «ەڭبەكسىز جەڭىس تە بولمايدى. قوس سپورتشىنىڭ جۇلدەسى جاستاردىڭ جىگەرىن جاندىرىپ، جاڭا بيىكتەرگە جەتەلەيدى. سىزدەر ءبىزدىڭ ەلىمىزدىڭ حالىقارالىق سپورتتاعى مارتەبەسىنىڭ جوعارى ەكەندىگىن دالەلدەپ، جاتتىقتىرۋشىلار مەن جانكۇيەرلەردىڭ عانا ەمەس، بارشا قازاقستاندىقتاردىڭ ءۇمىتىن اقتادىڭىزدار»، - دەدى ايماق باسشىسى.

 سپورتشىلار ءوز كەزەگىندە سايىستان العان اسەرلەرىمەن ءبولىسىپ، بارشا تىلەۋلەستەرىنە العىستارىن ءبىلدىردى.

 اۆتور: ەلۋباي اۋەزوۆ