وزبەكستاندا دەۆالۆاتسيا: سوم ەكى ەسە قۇنسىزداندى

استانا. قازاقپارات - وزبەكستاننىڭ ورتالىق بانكى ۇلتتىق ۆاليۋتا رەسمي باعامىن ەكى مارتە دەۆالۆاتسياعا ۇشىراتتى.

ورتالىق بانك سايتىنداعى مالىمەت بويىنشا، 5 -قىركۇيەكتەن باستاپ باعام دوللارىنا 8,1 مىڭ سوم دەڭگەيىندە تىركەلدى. 2003-2017 -جىلدار ارالىعىنداعى باعام انىقتايتىن فاكتورلاردىڭ ديناميكاسىن ساراپتاۋ نەگىزىندە، سونداي-اق، بانكتەردىڭ شەتەلدىك ۆاليۋتانى يمپورتەر كاسىپورىندارمەن كەلىسىلگەن باعامىن ەسەپكە العاندا، قازىرگى ۋاقىتتا ۆاليۋتا باعامىنىڭ بولجالدى دەڭگەيى ەسەپپەن 1 ا ق ش دوللارىنا 8-8,15 مىڭ سوم تەڭ»، - دەلىنگەن و ب حابارلاماسىندا.

وتكەن اپتادا ءبىر دوللاردىڭ قۇنى، و ب مالىمەتىنشە، 4210,35 سوم بولعان. ايتا كەتەيىك، مۇنىڭ الدىندا وزبەكستان پرەزيدەنتى شاۆكات ميرزيەيەۆ ەلدە زاڭدى جانە جەكە تۇلعالار 5 -قىركۇيەكتەن باستاپ ۆاليۋتا ساتىپ الۋ جانە ساتۋ وپەراتسيالارىن نارىقتاعى باعام بويىنشا ەركىن جۇزەگە اسىرا الاتىن جارلىققا قول قويعان بولاتىن.

 

Tengrinews.kz