قازاق جۋرناليسى قىرىلىپ جاتقان مۇسىلماندارعا بارىپ، قولداۋ كورسەتۋگە بەكىندى
قاتتى كوڭىلى بوساعان جۋرناليست قىز ەرىكتى ءتىلشى رەتىندە وقيعا ورنىنا بارىپ، زەرتتەۋ جاساۋعا دايىن ەكەنىن جەتكىزدى.
بۇل تۋرالى ول ءوزىنىڭ Facebook جەلىسىندەگى پاراقشاسىندا ايتتى.
ميانما ازاماتتارىنىڭ كوز جاسى. ەركەكتەر ايەلدەر سەكىلدى ەمەس. ولار ءولىپ كەتسە دە، ەلدىڭ الدىندا كوز جاسىن كورسەتپەيدى. مەن ەركەكپىن دەگەن ءاربىر ازامات تەك ەكى نارسەگە عانا جىلايدى دەيدى كوپتى كورگەندەر. ءولىمنىڭ الدىندا جانە شىن ماحابباتىنان ايىرىلعانىندا. وندا دا ولار تۇنشىعىپ، جاسىرىنىپ كوز جاسىن كورسەتپەۋگە تىرىسادى.
ال، مىنا ۆيدەودا ەركەكتەر ەڭىرەپ جىلاعانىندا، كورىپ وتىرعان ءسىز دە كوز جاسىڭىزدى تىيا المايتىنىڭىز حاق. بۇل ەركەكتەر سۇيگەن جارىنان، تۋعان باۋىرىنان، اكەسى مەن اناسىنان، ۇرپاعىن جالعاستىرۋشى بالاسىنان، دوسىنان، اقىلشىسىنان، كورشىسىنەن، ارىپتەسىنەن، وتانداستارىنان ايىرىلدى. قالايشا جىلاماسقا؟ جىلاماۋ مۇمكىن ەمەس. ىشتەرىندەگى قاتىپ قالعان شەرلەرىن اڭىراپ، بوتاداي بوزداپ شىعارۋدا»، - دەپ ءوزىنىڭ تولقىنىسىن جەتكىزدى ول.
«بۇل قاندى قىرعىن ەركەكتەردى دە جىلاتتى. تۇركيا پرەزيدەنتى ەردوعاننىڭ ءبىر توپ ادامدارىن كورگەن ميانماداعى مۇسىلماندار كوكتەن پەرىشتە تۇسكەندەي قۋانعانى ءبىر بولەك، باۋىرىنا باسقان تۇرىك اعايىننىڭ قۇشاعىندا سولقىلداپ جىلاعانى تاس جۇرەكتى دە ەرىتىپ، سوقىر كوزدەن دە جاس توكتىرەدى.
وسى بەينەجازبادان كەيىن بيرماعا جۋرناليست رەتىندە بارعىم كەلىپ وتىر. ەگەر ءدال قازىر ەرىكتىلەردەن تۇركيا ەلى سەكىلدى دەلەگاتسيا باراتىن بولسا، سولارمەن ەرىپ بارۋعا دايىنمىن. اناسىنان ايىرىلعان بالاقايلاردى قۇشاعىما الىپ، انالاردىڭ كوز جاسىن ءسۇرتىپ... ءبىر سوزبەن ايتقاندا سول جاقتىڭ بۇلىڭعىر ءومىرىن ءوز كوزىممەن كورىپ، جۋرناليست رەتىندە مالىمەتتەرمەن تولىق اقپار بەرگىم كەلەدى»، - دەپ مالىمدەدى ول.
جازىقسىز سابيلەردىڭ قىرىلىپ جاتقان سۋرەتىن كورگەن سۋرەتىنە بەيجاي قاراي الماعان جەلى قولدانۋشىلارى دا كۇن ساناپ ارتىپ، ولار ءوز قولداۋلارىن #اراكان حەشتەگى ارقىلى كورسەتۋدە.
