08:14, 05 - قىركۇيەك 2017 | GMT +6
وزبەكستان پرەزيدەنتى كادرلىق اۋىس-ءتۇيىس جاسادى
تاشكەنت. قازاقپارات - وزبەكستان پرەزيدەنتى شاۆكات ميرزيەيەۆ كۇش قۇرىلىمىندا ءبىرقاتار كادرلىق اۋىس-ءتۇيىس جاسادى، دەپ حابارلايدى قازاقپارات.
وزبەكستان رەسپۋبليكاسى باسشىسىنىڭ اعىمداعى جىلعى 4- قىركۇيەكتەگى جارلىعىمەن ەلدىڭ ىشكى ىستەر ءمينيسترى ابدۋسالوم ازيزوۆ اتقارىپ وتىرعان قىزمەتىنەن بوساتىلىپ، قورعانىس ءمينيسترى بولىپ تاعايىندالدى.
بۇعان دەيىن ەلدىڭ قورعانىس ءمينيسترى لاۋىزىمىندا بولعان كابۋل بەرديەۆ ەندىگىدە وزبەكستاننىڭ قارۋلى كۇشتەرى اكادەمياسىنا باسشىلىق ەتەدى. ونىمەن ءبىر مەزگىلدە ىشكى ىستەر ءمينيسترى قىزمەتىنە بۇعان دەيىن حورەزم وبلىسىنىڭ باسشىسى بولعان پۋلات بوبوجونوۆ كەلدى.
