يندونەزيا س ءى م باسشىسى روحيندجالار قىرعىنى ماسەلەسىن رەتتەۋ ءۇشىن ميانماعا اتتاندى
بۇل جايلى The Straits Times گازەتىنە سىلتەمە جاساپ ت ا س س اگەنتتىگى حابارلايدى.
پرەزيدەنت مالىمدەمەسىندە «ءمينيستردىڭ نەيپيدودا شۇعىل كەڭەس وتكىزەتىندىگى» ايتىلعان. «س ءى م باسشىسى ميانما ۇكىمەتىن زورلىق- زومبىلىقتى توقتاتىپ، ەلدەگى بارلىق ازاماتتاردىڭ، سونىڭ ىشىندە مۇسىلمانداردىڭ قورعانىسىن قامتاماسىز ەتىپ، گۋمانيتارلىق كومەككە مۇقتاجدارعا مۇمكىندىك جاساۋعا كوندىرۋگە ءتيىس»، دەلىنگەن حابارلامادا.
ميتينگكە جينالعاندار ميانمانىڭ سىرتقى ىستەر ءمينيسترى، ءىس جۇزىندە وسى ەلدىڭ ساياسي كوسباسشىسى، مەملەكەتتىك كەڭەسشى اۋن سان سۋ چجيدەن نوبەل سىيلىعىن قايتارىپ الۋدى تالاپ ەتتى. ال، جەكسەنبى كۇنى تۇندە بەلگىسىز بىرەۋلەر ميانما ەلشىلىگىنىڭ عيماراتىنا ورتەگىش قوسپاسى بار بوتەلكە لاقتىرىپ، ارتىنشا شاعىن ءورت شىقتى. روحيندجا ۇلتىنىڭ مۇسىلماندارى ميانمانىڭ راكحاين شتاتىندا تۇرادى. بيلىك ولاردى بانگلادەشتەن كەلگەن زاڭسىز ميگرانتتار دەپ ەسەپتەيدى. راكحايندا مۇسىلماندار مەن جەرگىلىكتى بۋدديستەردىڭ اراسىنداعى قاقتىعىسقا اكەپ سوققان دىنگە قاتىستى شيەلەنىس بۇعان دەيىن دە بىرنەشە رەت بولعان. سوڭعى جىلداردا مىڭداعان ادام زورلىق- زومبىلىقتىڭ قۇربانىنا اينالدى.