استانادا سالىنىپ جاتقان «ابۋ- دابي پلازاداعى» جانجالدى ماس ءۇندىستاندىق شىعاردى
«قۇرىلىس جۇمىستارى ءجۇرىپ جاتقان «ابۋ- دابي پلازا» كەشەنى اۋماعىندا، ساعات 20-35-تە ءۇندىستاننان كەلگەن جۇمىسشىلار مەن قازاقتار اراسىندا شاعىن جانجال شىقتى. جانجال ءۇندىستاننان كەلگەن ماس جۇمىسشىنى كۇزەتشى نىسان اۋماعىنا كىرگىزۋدەن باس تارتقاننان كەيىن تۋىنداعان. وسىدان كەيىن ول وتانداستارىن شاقىرىپ، ولار كۇزەتشىنى سوققىعا جىققان. جەرگىلىكتى جۇمىسشىلار كۇزەتشىگە بولىسىپ، سونىڭ سالدارىنان توبەلەس تۋىنداپ، وعان شامامەن 30 ادام قاتىسقان. وقيعا ورنىنا ءۇندىستاننىڭ قازاقستانداعى ەلشىسى، جەرگىلىكتى بيلىك جانە كومپانيا وكىلدەرى»، - كەلدى دەدى الماس سادۋبايەۆ قازاقپارات تىلشىسىنە.
ونىڭ ايتۋىنشا، ىشكى ىستەر ورگاندارى ودان ارى تارتىپسىزدىكتەرگە جول بەرمەۋ جانە احۋالدى تۇراقتاندىرۋعا باعىتتالعان كەشەندى شارالار جۇرگىزگەن.
«قالا تۇرعىندارىن ارانداتۋشىلىققا بوي الدىرماۋعا، ويلانباستان شالت قيمىلدارعا بارماۋعا، ناقتى ەمەس اقپاراتتار مەن سان ءتۇرلى الىپ- قاشپا اڭگىمەلەرگە سەنبەۋگە شاقىرامىز. جاعداي تولىقتاي شەشىلدى جانە پوليتسيانىڭ باقىلاۋىندا»، - دەدى دەپارتامەنت باسشىسى.
اۆتور: مارلان جيەمباي