برەندون كۋك استاناداعى جاتتىعۋىنان بەينە جازبا جاريالادى - كەسكىن
ۆيدەودان كۋك 30- تامىز كۇنى كانادانىڭ ەيدجاكس قالاسىنان استاناعا قاراي جولعا شىعىپ، 10 ساعاتتىق ساپاردان كەيىن تۇنگى ساعات 3 تە استانا قالاسىنىڭ «الاۋ مۇز ايدىنى» قوناق ۇيىنە كەلىپ جايعاسقانىن كورۋگە بولادى.
كانادالىقتىڭ ايتۋىنشا، ۋاقىت ايىرماشىلىعىنا بايلانىستى ولار استاناعا جەتكەننەن كەيىن ۇيىقتاي الماعان.
سوندىقتان، «استانا ارەنا» ستاديونىنىڭ الدىنداعى الاڭدا ءبىر جارىم ساعات بويى جاتتىعۋ جاساعان. كۋك استانادا سۋدىڭ تۇزدى ەكەنىن، سونداي-اق، ولار كانادادان 40 فۋنت (19 ك گ) تاۋىق ەتىن جانە سۋ الىپ كەلگەنىن ايتتى.
سوڭىندا بوكسشى ءوزىنىڭ جەڭىسىنە سەنىمدى ەكەنىن، ايتسە دە ازداپ قوبالجۋ بار ەكەنىن دە جاسىرمادى.
ەسكە سالا كەتەيىك، 9- قىركۇيەك كۇنى ەكسپو-2017 اياسىندا «سارىارقا» ۆەلوترەگىنىڭ الاڭىندا بوكس كەشى وتەدى. جەڭىلىپ كورمەگەن قازاقستاندىق قانات يسلام مەن كانادالىق برەندون كۋكتىڭ ايقاسى - باستى وقيعا بولادى. سونداي-اق وسى جەكپە-جەكتىڭ اندەركارتىندا قازاقستاندىق 8 بوكسشى شارشى الاڭعا شىعادى.