12:31, 02 - قىركۇيەك 2017 | GMT +6
فۋتبول: قازاقستان قۇراماسى چەرنوگوريادان جەڭىلىپ قالدى
استانا. قازاقپارات- فۋتبولدان 2018-جىلى وتەتىن الەم چەمپيوناتىنىڭ ىرىكتەۋ كەزەڭى اياسىندا ۇيىمداستىرىلعان كەزدەسۋدە قازاقستان ۇلتتىق قۇراماسى چەرنوگوريادان 3:0 ەسەبىمەن ۇتىلىپ قالدى، دەپ حابارلايدى «قازاقپارات» ح ا ا ءتىلشىسى.
ىرىكتەۋ كەزەڭىنىڭ جەتىنشى «ە» توبىنداعى ماتچ «استانا ارەنا» ستاديونىندا بولدى. ەسەپتى 31- مينۋتتا مەيماندار اشتى.
چەرنوگوريالىقتاردان قورعانىستى بۇزىپ شىققان ۆەشوۆيچ توميسلاۆ لوريا قاپى قالدىردى. كوماندالاسىنىڭ ۇپايىن 53 مينۋتتا بەچيراي فاتوس دوپتى باسپەن ۇرىپ ەسەلەسە، 63 مينۋتتا سيميچ ماركو ەسەپتى 3:0 گە جەتكىزدى.
بىرنەشە مۇمكىندىك بولدى دەگەنىمەن، ۇلتتىق قۇرامامىز الاڭ قوناقتارىنان ايلاسىن اسىرا المادى. ماتچتىڭ ەكىنشى تايمىنا قوسىمشا 3 مينۋت قوسىلعانىمەن، قازاقستاندىق فۋتبولشىلار جاعدايدى تۇزەي المادى.
قورىتىندى ەسەپ - 3:0. جەڭىس الاڭ قوناقتارىندا. ايتا كەتەيىك، قازاقستان ۇلتتىق قۇراماسى ءالى دە «ە» توبىنداعى اۋتسايدەرلەردىڭ ءبىرى بولىپ تۇر.