ەكسپو كورمەسى اۋماعىندا سوڭعى ون كۇنگە جوسپارلانعان شارالار
«قازاقپارات» حاا سوڭعى ون كۇندەگى كورمە اۋماعىندا جوسپارلانعان شارالارىنا شولۋ جاسادى.
ايتا كەتەيىك، بەلگىلەنگەن كۇندەرى كورمەگە كىرۋ باعاسى - 4 مىڭ تەڭگە، بەلگىلەنبەگەن كۇندەرى كىرۋ - 6 مىڭ تەڭگە، ال، كەشكى ۋاقىتتاردا كىرۋ - 2 مىڭ تەڭگە. زەينەتكەرلەر، ارداگەرلەر، مەكتەپ وقۋشىلارى مەن ستۋدەنتتەرگە، كوپبالالى انالار، جەتىمدەر مەن مۇگەدەكتەرگە 50 جانە 100 پايىزدىق جەڭىلدىكتەر قاراستىرىلعان.
كۇن سايىن كورمە اۋماعىندا ساعات 21.15-تە كەشكى شەرۋ مەن شوۋلار ۇيىمداستىرىلىپ، 22.50 دەن 23.00 گە دەيىن جالعاسادى.
1- قىركۇيەك كۇنى ساعات 12.00 دەن 21.30 عا دەيىن كورمە اۋماعىندا تاعامدار فەستيۆالى وتكىزىلەدى. ۇيىمداستىرۋشىلار كورمەگە كەلۋشىلەرگە كورمەگە قاتىسۋشى جۇزدەن استام ەلدىڭ ۇلتتىق تاعامدارىن ۇسىنۋعا ۋادە ەتىپ وتىر.
قوناقتاردى قىزىقتى شارالار، كونتسەرتتىك باعدارلامالار، شەبەرلىك سىنىپتارى جانە الەمدىك فۋد- ساراپشىلاردىڭ دارىستەرىن تىڭداۋ كۇتەدى. جاپونيا پاۆيلونىنىڭ الدىندا 11.00-دەن 19.00-گە دەيىن شىعىپ كەلە جاتقان كۇن فەستيۆالى ۇيىمداستىرىلادى. ۇيىمداستىرۋشىلار سونداي-اق، ءداستۇرلى ونەرلەر، يو-يو تسۋري، وريگامي جاساۋ جانە بون- ودوري بويىنشا شەبەرلىك ساباقتارى وتكىزىلەتىندىگىن حابارلادى.
ساعات 18.00-دە ۇلتتىق مەرەكەسى اياسىندا ۇلى بريتانيا «the Mersey Beatles» تريبيۋت توبىنىڭ جاندى داۋىستا «Beatles» حيتتەرىن ورىنداتىپ، كونتسەرتتىك باعدارلاما ۇسىنباقشى.
1- قىركۇيەك كۇنى مەرەكە كۇنى بولعاندىقتان، كورمە اۋماعىندا «جاستار بيلەتى» اكسياسى ىسكە قوسىلادى. دەمەك، بۇل كۇنى 17 جاسقا دەيىنگى قازاقستاندىقتار كورمەگە تەگىن كىرە الادى. ساعات 18:30-دان باستاپ كەشكى بيلەتتەردى 2 مىڭ تەڭگەگە ساتىپ الۋعا بولادى. مۇنداي باعا ساياساتى 2-3 قىركۇيەك، دەمالىس كۇندەرى دە ىسكە قوسىلادى.
2- قىركۇيەك كۇنى ساعات 11.00-دە كورمەنىڭ نەگىزگى نىسانى - «نۇر الەم» شارىنىڭ جانىندا گوندۋراس رەسپۋبليكاسىنىڭ ۇلتتىق مەرەكەسىنە ارنالعان، ال 15.00-دە ۆاتيكان ۇلتتىق كۇنىنە ارنالعان كونتسەرت وتكىزىلەدى. ساعات 20.00-دە ەنەرگيا حولىندا قازاقستاننىڭ مەملەكەتتىك اكادەميالىق سيمفونيالىق وركەسترىمەن بىرلەسىپ، جيۋلەن كۆەنتين (فورتەپيانو، فرانتسيا) ، توماس گۋلد (سكريپكا، ۇلىبريتانيا) ، مەري بيەۆان (سوپرانو، ۇلى بريتانيا) جانە ساندي توكا نوۆا (ۆيولونچەل، شۆەيتساريا/قازاقستان) ونەر كورسەتەدى. كونسەرت باعدارلاماسىندا موتسارت، بەتحوۆەن جانە باسقا دا الەمگە ايگىلى مۋزىكانتتاردىڭ شىعارمالارى شىرقالادى.
3- قىركۇيەك كۇنى ساعات 11.00-دە ۇلتتىق مەرەكە كۇنى ساحناسىندا گۆاتەمالا رەسپۋبليكاسىنىڭ كونسەرتى ۇسىنىلادى.
ساعات 21.30-دا امفيتەاتردا وڭتۇستىك قازاقستان وبلىسىنىڭ مادەني كۇندەرى اياسىنداعى كونتسەرتتىك باعدارلامالار ۇيىمداستىرىلماقشى.
4- قىركۇيەك كۇنى ۇلتتىق مەرەكە كۇنى ساحناسىندا ءتورت بىردەي كونسەرت ۇيىمداستىرىلادى. ساعات 10.00-دە مۇناي ساراپشى- ەلدەرى ۇيىمدارىنىڭ (وپەك) ، 12.00-دە تۋۆالۋ مەملەكەتىنىڭ، 15.00-دە يتاليانىڭ، ال 18.00-دە قازاقستاندىق «دارا» توبىنىڭ كونسەرتتىك باعدارلامالارى جۇرتشىلىق نازارىنا ۇسىنىلادى.
ال، 21.30-دا امفيتەاتردا «استانا» راديوسى ازىرلەگەن كونسەرت بەرىلەدى.
5- قىركۇيەك كۇنى ساعات 10.00-دە شار جانىنداعى ساحنادا الەمدىك مۇناي كەڭەسى كۇنىنە ارنالعان كونسەرت وتەدى. ءدال وسى جەردە ساعات 15.00-دە وزبەكستاننىڭ ۇلتتىق كۇنى مەرەكەلەنەدى. ساعات 14.00-دەن 16.00-گە دەيىن ارگەنتينالىقتار وزدەرىنىڭ بيلەرى جانە مۋزىكاسىمەن كورمەنىڭ ماف-2 ارت- نىسانىندا كورەرمەندەرىنىڭ كوزايىمىنا اينالادى.
6- قىركۇيەك كۇنى ساعات 11.00-دە بىرىككەن اراب امىرلىكتەرىنىڭ ۇلتتىق كۇنى مەرەكەلەنەدى. كەشكى ساعات 21.30-دا قاراعاندى وبلىسىنىڭ مادەني كۇندەرى اياسىندا كونسەرتتىك باعدارلاما وتكىزىلەدى.
7- قىركۇيەك كۇنى ساعات 11.00-دە پولشانىڭ ۇلتتىق كۇنىنە وراي وسى ەلدىڭ ۇلتتىق شەرۋى ۇيىمداستىرىلماقشى. ال، ساعات 17.00-دەن باستاپ 18.00-گە دەيىن شىعارماشىلىق ەنەرگيا اۋماعىندا ءۇندىستان پاۆيلونىنىڭ ۇيىمداستىرۋىمەن يوگا ساباقتارى وتەدى.
8- قىركۇيەك كۇنى رەسەي فەدەراتسياسى ساعات 11.00-دە ۇلتتىق شەرۋىن جۇرتشىلىق نازارىنا ۇسىنادى. ساعات 16.00-دەن 19.00-گە دەيىن سۋ اۋماعىندا پلاز ەلدەرىنىڭ (جىبەك جولى، افريكا، تىنىق مۇحيتى، لاتىن امەريكاسى، مىسىر) شىعارماشىلىق ۇجىمدارى ونەر كورسەتەدى.
9- قىركۇيەك كۇنى ۇلتتىق كۇن ساحناسىندا سوڭعى كونسەرتتىك باعدارلامالاردىڭ ءبىرىن كورمەنىڭ حالىقارالىق بيۋروسى ۇيىمداستىرادى.
10- قىركۇيەك كۇنى كونگرەسس- ورتالىقتا كورمەنىڭ رەسمي جابىلۋ سالتاناتى وتكىزىلىپ، كونسەرتتىك ءبولىمى امفيتەاتردا جالعاسادى. شارالار كەستەسى «استانا ەكسپو-2017» ۇلتتىق كومپانياسى ۇسىنعان اڭداتپا نەگىزىندە ازىرلەندى.