پاكىستان پارلامەنتى ترامپ مالىمدەمەسىن ايىپتادى
سارسەنبى، 30- تامىزدا، پاكىستان پارلامەنتىنىڭ تومەنگى پالاتاسى ترامپتىڭ 22- تامىزدا جاساعان مالىمدەمەسىن جوققا شىعاراتىن قاراردى ءبىراۋىزدان قابىلدادى. ا ق ش پرەزيدەنتى ول كەزدە ۆاشينگتون پاكىستاننىڭ «تاليبان» قوزعالىسى سەكىلدى ەكسترەميستىك توپتارعا باسپانا بەرگەنىنە ەندى توزە المايتىنىن مالىمدەگەن.
ترامپتىڭ بۇل سوزدەرى پاكىستان بيلىگىنىڭ شامىنا تيگەن. ەلدىڭ بىرنەشە قالاسىندا نارازىلىق بولىپ، ولاردى باسۋعا تالپىنعان پوليتسيا كوزدەن جاس اعىزاتىن گاز قولداندى. پاكىستان ۇلتتىق اسسامبلەياسى ءوز قارارىندا «ورشىكتىرەتىن» مالىمدەمەلەردى سىناپ، ۇكىمەتتەن پاكىستان مەن ا ق ش اراسىندا دەلەگاتسيا الماسۋدى تەجەي تۇرۋىن سۇرادى.
پاكىستان سىرتقى ىستەر مينيسترلىگى بۇعان دەيىن پارلامەنتتىڭ رۇقساتىنسىز-اق ۆاشينگتوننىڭ پاكىستان مەن اۋعانستانداعى ارنايى وكىلى ەليس ءۋەللستىڭ 28- تامىزداعى ساپارىنا تىيىم سالعان.