سينوپتيكتەر قىركۇيەك ايىنداعى اۋا رايىنا بولجامىن جاريالادى
بۇل تۋرالى «قازگيدرومەت» حابارلايدى.
«تامىز ايى قىركۇيەك ايىنا جىلى اۋا- رايى ەستافەتاسىن بەرەدى. ءبىراق ەلىمىزدىڭ باتىسىندا جانە وڭتۇستىك- شىعىسىندا اۋا- رايى جاڭبىرلى بولادى. الدىن الا بولجامعا سايكەس، كەلەسى اپتادا سۋىق اۋا ماسساسىنىڭ كەلۋىمەن قازاقستاننىڭ بارلىق اۋماقتارىندا جاڭبىر جاۋىپ اۋا تەمپەراتۋراسىنىڭ بىرتە- بىرتە تومەندەۋى كۇتىلەدى. 4-7 -قىركۇيەك ارالىعىندا باتىستا تۇندە 12-20 گرادۋس جىلى، كۇندىز 20-28 گرادۋسقا دەيىن جىلى؛ 6-8 -قىركۇيەك ارالىعىندا ەلىمىزدىڭ سولتۇستىگىندە جانە ورتالىعىندا، 8-10 -قىركۇيەكتە شىعىندا تۇندە 7-15 گرادۋس جىلى، ال كۇندىز 17-25 گرادۋسقا دەيىن جىلى.
6-8 -قىركۇيەك ارالىعىندا وڭتۇستىكتە تۇندە 12-20 گرادۋس جىلى، كۇندىز 22-30 گرادۋسقا دەيىن جىلى. 8-10 -قىركۇيەك ارالىعىندا وڭتۇستىك شىعىستا تۇندە 10-18 گرادۋس جىلى، ال كۇندىز 20-28 گرادۋسقا دەيىن جىلى. ودان كەيىن، ورتالىق ازيا ايماقتارىنان جىلى اۋا ماسساسىنىڭ كەلۋىمەن اۋا تەمپەراتۋراسى قايتادان بىرتە- بىرتە جوعارىلايدى: سولتۇستىك جارتىسىندا كۇندىز 22-30 گرادۋسقا دەيىن جىلى؛ وڭتۇستىك جارتىسىندا كۇندىز 27-35 گرادۋسقا دەيىن جىلى؛ الدىن الا بولجام بويىنشا، قارقىندى سالقىن تولقىندارى ايدىڭ ءۇشىنشى ونكۇندىگىندە كۇتىلۋدە، ەلىمىزدىڭ سولتۇستىگىندە جانە شىعىسىندا جاڭبىر جاۋىپ ارتى قارعا اينالۋى مۇمكىن»، - دەلىنگەن حابارلامادا.