اسكەري قىزمەتشى وتقا ورانعان پاتەردەن ەكى بالانى امان الىپ شىقتى
ەفرەيتور عالىمجان ءاليۋحانوۆ ۇيىنە قايتىپ كەلە جاتىپ 5 قاباتتى ۇيدەن شىعىپ جاتقان ءتۇتىندى بايقاپ قالادى. دەرەۋ وقيعا ورنىنا جەتىپ، ءورت ءسوندىرۋ ساتىسىمەن ءۇيدىڭ شاتىرىنا شىعىپ، شاتىر قاپتاماسىن جۇلىپ الىپ، پودەزگە كىرگەن. ءۇيدىڭ ەسىگى اشىق بولعان، سوندىقتان ول ەش كەدەرگىسىز پاتەرگە ەنگەن. ايحايلاپ، ۇيدە كىم بارىن بىلمەك بولعان. ەشكىم جاۋاپ بەرمەگەن سوڭ، ءار بولمەنى ءتىنتىپ قاراعان. سول كەزدە تۇپكى بولمەدەن 4-5 جاس شاماسىنداعى ەكى بالانى ەس-ءتۇسسىز جاتقان جەرىنەن تاۋىپ العان. دەرەۋ ولاردى سىرتقا الىپ شىققان.
«مەن ەشقانداي ەرلىك جاساعان جوقپىن، - دەيدى عالىمجان قىسىلىپ. - بۇل ءار ەر ادامنىڭ جاسايتىن ءىسى. ول مەيلى اسكەري بولسىن، مەيلى قاراپايىم ازامات بولسىن، كەز كەلگەن ەر ادام وسىلاي جاساۋى كەرەك. كومانديرلەرىمە زور العىس ايتامىن. ولار ءبىزدى ءاردايىم شىنىقتىرىپ، جاقسى فيزيكالىق كۇيدە بولۋىمىزدى قاداعالايدى. بابىمدا بولۋىم وسى جولى دا ماعان كومەكتەستى».