ەركەك ۇيگە كوڭىلسىز كەلگەندە نە ىستەۋ كەرەك؟
ول ءبارىبىر اشىپ ايتپايدى. ەركەكتىڭ بولماشىعا كوڭىلى پاسەيمەيدى. وعان تىنىشتىق كەرەك. سول ءۇشىن قاشاندا جاتىن بولمەسى جيناقى ءارى سالۋلى تۇرسىن. جاقسىلاپ تىنىعىپ العاننان كەيىن ايەلگە ايتار نارسەسى بولسا، ءوزى- اق مۇڭىمەن بولىسەدى. ال بۇل جايىندا جاق اشپاسا، قايتا- قايتا قوزعاپ، جاراسىن تىرناپ، اشۋىن قوزدىرماڭىز.
• جۇمىستان كەلگەن جۇبايىڭىزدىڭ قاباعى قاتۋلى ەكەنىن بايقادىڭىز با، دەرەۋ داستارحان جايىپ، الدىنا اس الىپ كەلىڭىز. اش ادام اشۋلانشاق كەلەدى. كەيبىر ەركەكتەردىڭ اشى اسپەن تارايتىندىعىن ۇمىتپاڭىز.
• كوڭىلسىز كۇيەۋىڭىزدىڭ كوڭىل- كۇيىن قىزىقتى جايتتارعا اۋدارا ءبىلىڭىز. نەمەسە بۇگىنگى كۇنىڭىزدىڭ قالاي وتكەنىن، بالالارىڭىزدىڭ ءتاتتى قىلىقتارىن ايتىپ بەرىڭىز. ول ءۇشىن جانۇياسى- جانعا جايلى دەمالىس بولسىن.
• ونسىز دا ويى ونعا، ساناسى سانعا ءبولىنىپ وتىرعان وعان وتباسىنداعى جەتىسپەۋشىلىكتەردى ايتىپ، ەڭسەسىن باسقان جۇكتى اۋىرلاتپاڭىز. «التىنايدىڭ كۇيەۋى ماشينا ءمىنىپ الىپتى. مايراعا كۇيەۋى تۋعان كۇنىنە قىمبات القا تارتۋ ەتىپتى.. .» دەگەن سوزدەردى ايتا كورمەڭىز.
• جىلى ءسوزىڭىز دە ونىڭ ومىرگە دەگەن قۇشتارلىعىن ارتتىراتىندىعى ەسىڭىزدە بولسىن. كەيدە ايەل ادامنىڭ ءوزى دە قاتتى سوزدەرىمەن نەمەسە اقىماقتىقپەن ىستەگەن ىسىمەن ەركەكتى رەنجىتىپ الىپ جاتسا، دەرەۋ جىلى جىميىپ، ءتاتتى سوزدەردى توگە سالعانعا نە جەتسىن. سوندا عانا وتباسىندا سىيلاستىق بولادى. ەڭ دۇرىسى، قانداي جاعدايدا دا، ايەلدىڭ ءاردايىم جىلى ءسوزى دايىن تۇرعانى ابزال. ونىڭ جاقسى قاسيەتتەرىن ءسوز قىلىپ، ساقتاپ تا قويۋدى ەستەن شىعارماڭىز. وتباسىنداعى وتكەن كوڭىلدى، باقىتتى ساتتەردى ەسكە ءتۇسىرىپ، كۇيەۋىڭىزدى الدا بولار قۋانىشتارمەن سەرپىلتىڭىز.
• ونى قاتتى سۇيەتىنىڭىزدى، وتە قۇرمەت تۇتاتىنىڭىزدى، باعالايتىنىڭىزدى ءجيى- ءجيى ايتىپ وتىرىڭىز. سۇيىسپەنشىلىك تە كۇيزەلىستى قۋادى.
• كۇيەۋىڭىزدى كوڭىلسىزدىك جايلاعاندا كىشىگىرىم ەرەكشە سىيلاستىق جاساڭىز. كەشكى استى كافە، رەستوراندا ىشكەن دە ونىڭ كوڭىلىن كوتەرۋى مۇمكىن.
• مۇڭعا باتقان كۇيەۋىڭىزدى جالعىز تاستاپ كەتپەڭىز. مۇمكىن، ول جاقىن ارالاساتىن دوسىمەن اڭگىمەلەسكەندى ۇناتاتىن شىعار، دوسىن ۇيگە شاقىرۋىڭىزعا بولادى.
• ايەلدىڭ جاقسى ماسساجيست بولعانى دا دۇرىس. ەركەك شارشاپ كەلگەندە، كوڭىلسىزدىككە بەرىلگەندە ايەلىنىڭ وعان ماسساج جاساعانى، ايالى الاقانىمەن سيپاعانى بارلىق كۇيزەلىستى، ۋايىمدى ۇمىتتىرادى. مىنە، ايەل كۇيەۋىنە قولداۋشى، باسىنا ءىس تۇسكەندە كەڭەسەر اقىلشى، قوناقتار كەلگەندە كۇتۋشى، مازاسى بولماعاندا مەدبيكە، شارشاعاندا جاقسى ساياجاي جانە كوڭىلىن اۋلاۋشى بولا بىلسە عوي. وسىلاي ەر ادام جۇمىستان كوڭىلسىز ورالعاندا، ايەل دەگەن «قىرىق جانىن» ورتاعا سالا بىلسە، ولار دا قىزمەتىندە نە بولماسا جورا- جولداستارىمەن بىرنارسەگە كەلىسە الماي قالسا، كوڭىل- كۇيى بولماسا سىراحاناعا نەمەسە تاعى باسقا دا جاقتارعا بارماي، ۇيىنە قايتقانشا اسىعىپ تۇراتىن بولادى.
دەرەككوز: anabol.kz