16:08, 30 - تامىز 2017 | GMT +6
ۇلتتىق ارنا تانىمال جۋرناليست عالىم دوسكەننىڭ «كيەلى جەرلەر» دەرەكتى فيلمدەر سيكلىن كورسەتەدى
استانا. قازاقپارات - «قازاقستان» ۇلتتىق تەلەارناسى كەلەسى اپتادان باستاپ، جاڭا ماۋسىمدا بەلگىلى جۋرناليست، زەرتتەۋشى عالىم دوسكەننىڭ «كيەلى جەرلەر» اتتى دەرەكتى فيلمدەر سيكلىن كورسەتە باستايدى.
بۇل تۋرالى «قازاقستان» ر ت ر ك» ا ق- نىڭ باسقارما ءتوراعاسى ەرلان قارين جازدى، دەپ حابارلايدى قازاقپارات.
«جاڭا ماۋسىمنىڭ تاعى ءبىر جاڭالىعىمەن بولىسەيىن. قىركۇيەك ايىنان باستاپ، اپتا سايىن «كيەلى جەرلەر» دەرەكتى فيلمدەر سيكلى كورسەتىلە باستايدى. بۇل فيلمنىڭ اۆتورى جانە رەجيسسەرى - بەلگىلى جۋرناليست، زەرتتەۋشى عالىم دوسكەن اعامىز. عالەكە كەزىندە، وسى «قازاقستان» ارناسىن ەلدىڭ سۇيىكتى ۇلتتىق ارناسى ەتكەن ەدى، ەندى قازىردە ارنانىڭ جاڭارۋ جۇمىسىنا ۇلەس قوسۋدا»، - دەپ جازدى ە. قارين.