استانادا قۇربان ايت كەزىندە قۇربان شالۋعا ارنالعان ورىندار انىقتالدى
بيىل قۇربان ايت مەرەكەسىن تويلاۋ 1 -قىركۇيەكتە باستالىپ، 3 كۇنگە سوزىلادى. 1 -قىركۇيەكتە ساعات 07.00-دە ەلوردانىڭ 8 مەشىتىندە ايت نامازى وقىلادى. 3 -قىركۇيەككە دەيىن قۇرباندىق شالۋ وتەدى.
بۇگىندە استانادا قۇرباندىق شالۋدا مال سويۋعا ارنالعان بەلگىلەنگەن نەگىزگى ورىندار انىقتالدى:
1. «نۇربەرەكە-555» ج ش س، الاش، 30-تاس جولى («كوك بازار» بازار جاقتا) ؛
ول جەرگە كەلەسى قوعامدىق كولىكتەرمەن جەتە الادى: № 11، 34، 38، 41، 53، 58، 120، 127؛
2. «مەترو» س ءۇ (استانا- قاراعاندى تاس جولى)؛
ول جەرگە كەلەسى قوعامدىق كولىكپەن جەتۋگە بولادى: № 71؛
3. «شاۋشەن» ش ق، «استانا- پاۆلودار» تاس جولى 9-شاقىرىم؛
ول جەرگە كەلەسى قوعامدىق كولىكپەن جەتۋگە بولادى: № 307؛
4. «ماقسات 2007» ج ش س، «جەلەزنودوروجنىي» ت م، ۋل. اقجار، 20؛
ول جەرگە كەلەسى قوعامدىق كولىكتەرمەن جەتە الادى: № 15،22؛
5. «ۇلجان» امبەباپ بازارى، (بۇرىنعى «سايانۇر» بازارى) ، تىلەنديەۆ كوشەسى، 24؛
ول جەرگە كەلەسى قوعامدىق كولىكتەرمەن جەتە الادى: № 4، 71، 81؛
6. «تەمەش» ش ق، استانا- سوفيەۆكا تاس جولى 7-شاقىرىم؛
ول جەرگە كەلەسى قوعامدىق كولىكپەن جەتۋگە بولادى: № 307؛
7. «مامىرحانوۆ» ج ك، «ءوندىرىس-1» ج م؛
ول جەرگە كەلەسى قوعامدىق كولىكپەن جەتۋگە بولادى: № 24؛
8. ەسجانوۆا ا. ج ك، «جايلاۋ»، «الاش» تاس جولى، س313-كوشەسى؛
ول جەرگە كەلەسى قوعامدىق كولىكتەرمەن جەتۋگە بولادى: № 7، 34، 38، 39، 41، 120، 127؛
9. «التىن تاعا» بازارى، قوسشى كەنتىنىڭ ماڭىندا؛
ول جەرگە كەلەسى قوعامدىق كولىكتەرمەن جەتۋگە بولادى: № 308، 309؛
10. «ساپا سۋ» ج ش س، قوسشى كەنتى، 4340 ءۇ.، قوسشى كەنتىنىڭ ماڭىندا.
ونىمەن بىرگە 28-29 -تامىزدا قازاقستان مۇسىلماندارى ءدىني باسقارماسىنىڭ فيليالىندا «نۇر استانا» مەشىتىندە شاريعات بويىنشا قۇرباندىق شالۋدى وتكىزۋ بويىنشا مال قاساپشىلارى ءۇشىن ەكى كۇندىك وقىتۋ سەمينارى وتەدى.
سەمينارعا كەز- كەلگەن ادام قاتىسا الادى. وزىڭمەن بىرگە جەكە كۋالىك پەن سانيتارلىق كىتاپشانى اكەلۋ قاجەت. سەميناردىڭ باستالۋى ساعات 09.00-دە، مەكەنجاي: استانا ق. قابانباي باتىر داڭعىلى 36.
وعان قوسا ءار ۋچاسكەدە مۇقتاج ادامدارعا قۇرباندىق شالۋدى قابىلداۋ بويىنشا پۋنكتتەر جۇمىس ىستەيتىن بولادى. بۇنداي ورىندار ەلوردانىڭ بارلىق مەشىتتەرىندە جۇمىس ىستەيتىن بولادى.
ەستەرىڭىزگە سالايىق، ەلوردا تۇرعىندارى مەن قوناقتارى «ىMuslim Astana» موبيلدى قوسىمشاسى جۇمىس ىستەيدى، ول AppStore جانە PlayMarket قوسىمشالارى ارقىلى قولجەتىمدى. وندا قۇربان ايت مەرەكەسى كەزىندە قۇرباندىق شالۋعا بولاتىن جەرلەرگە قانداي اۆتوبۋستار جۇرەتىنى جونىندە اقپارات قامتىلادى.
كەز-كەلگەن تۋىنداعان ماسەلەلەر بويىنشا (ءدىني باعىتتا) كەڭەس الۋ ءۇشىن ەلوردا تۇرعىندارى مەن قوناقتارى تاۋلىكبويى جۇمىس ىستەيتىن «2288» سەنىم تەلەفونىنا حابارلاسا الادى. قوڭىراۋ شالۋ تەگىن.
ەلوردالىق اكىمدىك مال سويۋعا رۇقسات بەرىلمەگەن ورىنداردى تۇتىنۋشىلاردىڭ قۇقىعىن قورعاۋ بويىنشا باسقارما ماماندارى سانيتارلىق-ەپيديميالوگيالىق تەكسەرۋ جۇرگىزگەندىگىن، ال ونداعى مالداردى ۆەتەرينارلىق قىزمەتتەر تەكسەرمەيتىندىگىن ءمالىم ەتتى. سوندىقتان، قالا بيلىگى تۇرعىندارعا ساق بولۋدى ۇندەيدى.