ۇيالى تەلەفونداعى مالىمەتتەردى قورعاۋ
ءبىراق، ءسىز دۇرىس قورعانۋ جولىن بىلمەسەڭىز، قۇپيا قۇجاتتارىڭىزدى جوعالتىپ الاسىز. قورعانۋ ءۇشىن نە ىستەۋ كەرەك؟
1. وپەراتسيالىق جۇيەڭىزدى جاڭارتىڭىز. ەسكى وپەراتسيالىق جۇيەلەردىڭ ورنىن جاڭاسىمەن بىردەن اۋىستىرۋدى ادەتكە اينالدىرىڭىز. جاڭا جۇيەدە الدىڭعى نۇسقادا جىبەرىلگەن قاتەلىكتەرمەن جۇمىس جاسالعانى انىق. سوندىقتان، ەگەر ۇيالى تەلەفونىڭىزدىڭ باعدارلاماسى اۆتوماتتى تۇردە اۋىسپاسا، ءوزىڭىز جاڭارتقانىڭىز دۇرىس.
2. باعدارلامالاردىڭ جاڭا نۇسقاسىن ورناتىڭىز. ۇيالى تەلەفونىڭىزداعى باعدارلامالار اۆتوماتتى تۇردە جاڭارا بەرمەيدى. سوندىقتان، ولاردى دا ۋاقىتىلى اۋىستىرىپ وتىرىڭىز. جاڭا نۇسقاسىنىڭ قورعانىسى مىقتى بولاتىنىن ۇمىتپاڭىز.
3. كەز كەلگەن نارسەنى جۇكتەي بەرمەڭىز. ماماندار بەلگىلى ءبىر ويىنداردى، باعدارلامالاردى جۇكتەۋ بارىسىندا ونى قۇراستىرۋشىلارعا اسا ءمان بەرىپ، مۇقيات بولعان دۇرىس دەيدى. اسىرەسە، تەگىن باعدارلاما بولسا، ساق بولىڭىز. سونىمەن قاتار، ۇتىس ويىندارىن ويناتاتىن سايتتارعا وتۋدەن اۋلاق بولىڭىز.
4. Wi-Fi جانە Bluetooth قىزمەتتەرىن ءوشىرىپ تاستاڭىز. قولدانباساڭىز، Wi-Fi سەكىلدى قىزمەت تۇرلەرىن ءوشىرۋدى ۇمىتپاڭىز. مۇنداي جەلىلەر ارقىلى سىزگە قاتىستى جەكە مالىمەتتەردى بۇزۋ وڭايىراق.
5. ءماتىندى حابارلامالارعا نازار اۋدارىڭىز. ەگەر بەلگىسىز بىرەۋ سىزگە «سپام» حابارلامالار جىبەرسە، بىردەن ءوشىرىپ تاستاڭىز. ءتىپتى، تانىسىڭىزدان «داۋىس بەر» نەمەسە «ساۋالناما تولتىرىپ، جەڭىسكە جەت» دەگەن ءماتىندى حابارلامالار كەلسە، ودان قۇتىلعانىڭىز ابزال.
6. قۇپيا سوزدەرىڭىز كۇردەلى بولسىن. قۇپيا ءسوزىڭىز نەعۇرلىم جەڭىل بولعان سايىن، ءسىزدىڭ مالىمەتتەرىڭىزدى بۇزاتىن ادامدار قاتارى سوعۇرلىم كوپ بولماق. تۋعان كۇنىڭىز نەمەسە "123456.. ." دەپ جالعاسىن تاباتىن ساندار تىزبەگى مەن ارىپتەر قاتارىن قولدانۋدان اۋلاق بولىڭىز.
7. قاشىقتان بايلانىس باعدارلاماسىن جۇكتەڭىز. ەڭ اتاقتى ءموبيلدى ەكى پلاتفورمادا «Android باعدارلاماسىن قاشىقتان باسقارۋ» جانە «PhoneI قۇرىلعىسىن تابۋ» سەكىلدى باعدارلامالار بار. ەگەر ءسىز ۇيالى تەلەفونىڭىزدى جوعالتىپ الساڭىز، ولار سىزگە العان ادامنىڭ مەكەنجايىن انىقتاپ، ۇيالى تەلەفونىڭىزداعى جەكە مالىمەتتەردى ءوشىرىپ تاستاۋعا مۇمكىندىك بەرەدى.
8. اككاۋنتىڭىزدان شىعۋدى ۇمىتپاڭىز. «قۇپيا ءسوزدى ساقتاۋ» ارقىلى بەلگىلى ءبىر سايتتار مەن جۇيەلەردە قالعانشا، اركەز قۇپيا ءسوزدى ەنگىزىپ، قاۋىپسىز ايماقتا قالعانىڭىز ءتيىمدى بولماق.
9. قوعامدىق Wi-Fi قولدانىسىنان ساق بولىڭىز. قۇپيا ءسوزى جوق اشىق جەلى نۇكتەسى - «جەلى قىلمەسكەرلەرىنىڭ» سۇيىكتى ءىسى. كەز كەلگەن قوعامدىق Wi-Fi ارقىلى قاستىق ويلاۋشى ءسىزدىڭ تەلەفونىڭىزداعى بار اقپاراتتى بىلە الادى. ۇيالى تەلەفوندى بۇزىپ الۋ بۇگىندە جاڭالىق ەمەس. ءبىراق، ونىڭ الدىن الۋ شارالارىن كوپ ادام ەلەي بەرمەيدى. ساق بولىڭىز!
Massaget.kz