وسكەمەندىك عالىم ءوزىن- ءوزى ساۋىقتىراتىن نانوۇنتاق جاساپ شىعاردى
الەكسەي باشكيرتسيەۆ جاساپ شىعارعان بيوبۋتانول (بيوجانارمايدىڭ ءبىر ءتۇرى) سىناقتان ءساتتى ءوتتى. بۇدان بولەك عالىمنىڭ ايتۋىنشا، ول وزىق نانوتەحنولوگيانىڭ كومەگىمەن كۇشتى ساۋىقتىرۋ اسەرى بار وسىمدىك ۇنتاقتارىنىڭ ەرەكشە ءتۇرىن ويلاپ تاپقان. عالىم مەن ونىڭ جاساپ شىعارعان ءدارى- دارمەكتەرى ەۋرازيا ءوڭىرىنىڭ 30 ەلى اراسىندا وتكىزىلەتىن حالىقارالىق كاسىپورىندار مەن كاسىپكەرلەرى كونكۋرسىندا مويىندالدى.
«سەنى ەلەپ- ەسكەرىپ جاتسا، قانداي كەرەمەت! - دەپ ءبولىستى الەكسەي الەكسەيەۆيچ ءوز اسەرىمەن. «بۇل دەگەنىمىز - ءبىز باسقالاردان كەم ەمەسپىز، ءتىپتى كەي جەرلەردە ولاردان ارتىقپىز. مەن قوعامدىق ماڭىزعا دا، مەملەكەتتىك ماڭىزعا دا يە جاڭا يدەيانى العا تارتتىم. بۇل - حالىقتى ساۋىقتىرۋ جانە ناشار ەكولوگيانىڭ سالدارىمەن كۇرەسۋ. بۇل يدەيانىڭ اتى - فيتوميللى» . عالىمنىڭ ويلاپ تاپقان دۇنيەسى - «فيتو» - وسىمدىك، «ميللى» - تارتقىش، ۇساقتاۋ دەگەن ماعىنانى بىلدىرەدى. ياعني، وسىمدىك ۇساعىنىڭ ەرەكشە فورماسى. ادامنىڭ اعزاسى ءوزىن- ءوزى ەمدەۋ ءۇشىن كۇنىنە اتالمىش دارىدەن ءبىر ءشاي قاسىق پايدالانسا بولعانى.