جۇمىسسىز قالعان جىگىت اتى شۋلى جوبا جاسادى - كەسكىن
دەرەكتى فيلمدى اۆتوردىڭ ءوزى تۇسىرگەن. سەريال 30 مينۋتتىق 12 ەپيزودتان تۇرادى. "ايۆەيۆەي: ەشقاشان كەشىرىم سۇراما"، "انيماتسيالانعان ءومىر" سىندى فيلمدەرمەن جۇمىس ىستەگەن تانىمال دجۋلي گولدمان وسى جوبانىڭ پروديۋسەرى رەتىندە تاڭدالعان.
جوبا العاش رەت 2010 -جىلى برەندون ستەنتون جۇمىسسىز قالىپ، نيۋ-يورك شاھارىنا كوشكەن كەزىنەن باستالعان. "ۇلكەن الما" دەگەن لاقاپ اتپەن تانىمال ارمان قالادا سەرۋەندەي ءجۇرىپ برەندون جولىندا كەزدەسكەن ادامداردى سۋرەتكە ءتۇسىرۋدى ادەتكە اينالدىرعان.
ۋاقىت وتە كەلە اۆتور سۋرەتتەرگە فوتواپپارات نىسانىنا اينالعان ادام تۋرالى شاعىن مالىمەت بەرىپ وتىراتىن بولعان. ال، 2015 -جىلى برەندون "نيۋ-يورك ادامدارى" اتتى كىتاپ شىعاردى. ول سول جىلدىڭ وزىندە امەريكا قۇراما شتاتتارىنداعى №1-بەستسەللەرگە اينالدى.
"مەنىڭ ويىمشا، دەرەكتى سەريال - مەنىڭ جوبامنىڭ لوگيكالىق جالعاسى. مەن سەريالمەن 4 جىلدان بەرى جۇمىس ىستەپ كەلەمىن. تۇسىرىلىمگە 400 كۇن ۋاقىتىم كەتتى. 1200 ادامنان سۇحبات الدىم"، - دەيدى فوتوگراف.
Massaget.kz