استانا مەن ەرەيمەنتاۋ اراسىنداعى جول قىسقارادى
«115-165 شاقىرىمدىق ۋچاسكە جۇمىسى جەكە اتاپ وتۋگە تۇرارلىق. ونىڭ ەرەكشەلىگى، جولدىڭ جارتى بولىگىنىڭ جاڭادان سالىنۋىندا، بولاشاقتا ەرەيمەنتاۋ مەن ەلوردا اراسىنداعى اراقاشىقتىق 5 شاقىرىمعا قىسقاراتىن بولادى. ول ءۇشىن «ا ب ك-اۆتودور ن س» ديۆيزيونىنىڭ قۇرىلىسشىلارىنا بۇل ولكەنىڭ باي كورىنىسى بولىپ تابىلاتىن توبەلەردىڭ ايتارلىقتاي مولشەرىن كەسىپ وتۋگە تۋرا كەلگەن»، - دەپ مالىمدەدى Road Construction كومپانياسى باسپا ءسوز قىزمەتىنىڭ وكىلدەرى.
اۆتوجولدىڭ بۇل ۋچاسكەسى، ءوز كەزەگىندە «نۇرلى جول» مەملەكەتتىك باعدارلاماسى نىساندارىنىڭ تىزبەسىنە كىرەتىن جانە ەكونوميكالىق جانە الەۋمەتتىك ماڭىزدىلىعى بار «ورتالىق- شىعىس» ەلدەرىنىڭ ۇلكەن قاتىناۋ جانە تاسىمالداۋ ۋچاسكەسى بولىپ تابىلاتىن «استانا- پاۆلودار» باعىتىنىڭ بولىگى بولىپ كەلەتىنىن اتاپ وتەلىك.
ول - ەنى 3,75 مەترلىك ءتورت جولاقتان تۇراتىن I- A كاتەگوريالى بەتون جول. ءبولىپ تۇراتىن جولاعىن قوسا ەسەپتەگەندە، كولىك وتەتىن بولىگىنىڭ جالپى ەنى 15 مەتر.
جامىلعىسى - قالىڭدىعى 25 س م تسەمەنتبەتون.
بۇل ۋچاسكەدە جوبا قۇجاتتامالارىنا سايكەس 31 سۋ وتكىزەتىن قۇبىر، بەس مال وتكەلى، ءۇش وتپەجول، ەكى كولىك جول ايرىعى جانە ءبىر كوپىر سالۋ كوزدەلگەن. بۇعان قوسا، جولدىڭ ءبىر بولىگىنە اۆتوبۋس ايالدامالارىن، اۆتوپاۆيلوندار، دەمالىس الاڭقايلارىن سالۋ قاراستىرىلعان.
سونىمەن قاتار، بريگادا جولدىڭ بۇل بولىگىنە جۇمىس اۋماعىنا قوسىمشا قاردان قورعايتىن بارەرلەر ورناتقان، بۇل جۇمىستى باستاۋعا كەدەرگى بولاتىن كوكتەمگى ەرىگەن سۋدى كۇتۋ ۋاقىتىن بارىنشا ازايتاتىن بولادى. بۇل ۋچاسكەنىڭ قۇرىلىسى 2018-جىلدىڭ كوكتەمىندە اياقتالادى.
استانادان پاۆلودارعا دەيىنگى جولدىڭ اقىلى بولاتىنىن ەستەرىڭىزگە سالامىز. ونى قايتا قۇرىلىمداۋ 2018-جىلى اياقتالادى.