12:24, 28 - تامىز 2017 | GMT +6
تەحاستاعى الاپات داۋىل ايماعىندا جۇزدەگەن قازاقستاندىق بولۋى مۇمكىن
استانا. قازاقپارات - تەحاس شتاتىنداعى «حارۆي» داۋىلىنا بايلانىستى ا ق ش- تاعى قازاقستاندىق ديپلوماتتار وسى اۋداندا تۇراتىن قازاق دياسپوراسىنىڭ بەلسەندىلەرىمەن تىعىز بايلانىس جاساسىپ وتىر.
بۇل تۋرالى بۇگىن ق ر سىرتقى ىستەر مينيسترلىگى باسپا ءسوز قىزمەتىنىڭ باسشىسى ءانۋار جايناقوۆ فەيسبۋكتە جاريالادى، دەپ حابارلايدى «قازاقپارات» ح ا ا.
«ۆاشينگتونداعى قازاقستان كونسۋلىنىڭ بايلانىس دەرەكتەرى مەن قاجەت بولعان جاعدايدا بايلانىسۋ ءۇشىن «شۇعىل جەلى» تەلەفون نومىرلەرى بار اقپارات تاراتىلدى. رەسمي تۇلعانىڭ دەرەگى بويىنشا، ءدال وسى ۋاقىتقا دەيىن زارداپ شەككەندەردىڭ اراسىندا قازاقستان ازاماتتارى تىركەلمەگەن. قازىرگى تاڭدا توتەنشە جاعداي ايماعىندا جۇزدەگەن قازاقستاندىق بولۋى مۇمكىن»، - دەپ جازدى ءانۋار جايناقوۆ.
ب ا ق حابارلاعانداي، «حارۆي» داۋىلىنا قاۋىپ دەڭگەيىنىڭ بەس بالدىق شكالاسى بويىنشا ءتورتىنشى دەڭگەيى بەرىلدى. ول تەحاس جاعالاۋىنا ساعاتىنا 130 ميل (210 ك م/س ا ع) جىلدامدىقپەن سوعاتىن جەل الىپ كەلدى.