بەلگيادا تۇرىپ جاتقان قانداسىمىز قازاقستاننىڭ لاتىن قارپىنە كوشۋىن قولدايدى
اقىن ىرىسالدى توكەيەۆا قىتايدا دۇنيەگە كەلگەن. 90-جىلداردىڭ باسىندا تاريحي وتانىنا ورالدى. قازاقستاندا اقىننىڭ بىرنەشە ولەڭ جيناعى جارىق كوردى. قازاق ءالىپبيىنىڭ بىرنەشە ءتۇرىن مەڭگەرگەن. ونىڭ ىشىندە احمەت بايتۇرسىنوۆتىڭ جازۋى مەن لاتىن قارپى بار. قازاق جەرىنەن اكەلىنگەن كىتاپتاردى وقۋ ءۇشىن ول «كيريلليتسانى» دا تانىپ الدى.
تاعدىردىڭ كۇردەلىگىنە قاراماستان اقىننىڭ انا تىلىنە دەگەن سۇيىسپەنشىلىگى وزگەرىسسىز قالدى. بەلگيادا تۇرىپ جاتقان قانداسىمىز قازاقستاننىڭ لاتىن قارىپىنە كوشۋىن تولىقتاي قولدايدى.
ىرىسالدى توكەيەۆا، اقىن، ق ر جازۋشىلار وداعىنىڭ مۇشەسى، بەلگيا تۇرعىنى:
- ەندى ءبىزدىڭ پرەزيدەنتىمىز 25 جىل ەلدى باسقارىپ، دۇنيەنى ءوز كوزىمەن كورىپ، بارىنە ورتاق اقىلشى بولىپ وتىرعان جەردە بۇل قارىپ تۋرالى ويلانىپ، وي بولگەنى وتە دۇرىس دەپ ويلايمىن. جاڭا قارىپكە كوشسە، سوڭعى ۇرپاقتار دۇنيەگە جاڭا قارىپپەن ءوزىن تانىتا بىلسە، دۇنيەدە تاراداي شاشىلىپ جۇرگەن باسقا قازاقتىڭ ۇرپاقتارى كورىپ، ءبىزدىڭ ەلىمىز مىنانداي ەكەن- اۋ دەپ تاڭدانادى.
«تالپىنعان ادامعا الىنبايتىن قامال جوق. ۇيرەنەمىز دەسە جاسى دا، ۇلكەنى دە جاڭا قارىپتى تانۋىنا بولادى»، - دەيدى شەتەلدە تۇرعان قانداسىمىز. لاتىن قارپىنە كوشىرىلەتىن قازاق ءالىپبيى قانشا ارىپتەن تۇراتىنى بەلگىسىز. بۇل ورايدا زيالى قاۋىم وكىلى ءوز ويىن بىلايشا ءوربىتتى.
ىرىسالدى توكەيەۆا، اقىن، ق ر جازۋشىلار وداعىنىڭ مۇشەسى، بەلگيا تۇرعىنى:
- مەن قاراسام، «h» دەگەن قارىپ، «і» دەگەن قارىپ، كەيبىر سوڭار دىبىستار، سودان كەيىن ۇياڭ دىبىستار جاڭا قارىپتەن جاسالسا. ول وتىزعا بارماۋ مۇمكىن، جيىرما سەگىز، جيىرما توعىزدىڭ توڭىرەگىندە بولادى دەپ ويلايمىن. شاعىن بولعاننان كەيىن ادامداردىڭ يگەرۋى دە وڭاي بولادى.
جىراقتا جۇرسە دە اقىن قازاق ەلىنىڭ دامىپ، وركەندەۋىن ۇنەمى نازاردا ۇستايدى. سوندىقتان مەملەكەت باسشىسىنىڭ لاتىن الىپبيىنە كوشۋ جونىندەگى تاپسىرماسى ناتيجەلى جۇزەگە اسسا دەيدى.
اۆتورلارى: جانات ەرنست، جومارت احمەتوۆ
www.24.kz
