10:11, 27 - تامىز 2017 | GMT +6
تۇركسويدىڭ بالالار تەاترىنا ارنالعان جىرجيناعى جارىق كوردى
استانا. قازاقپارات - تۇركسوي حالىقارالىق ۇيىمىنىڭ باس حاتشىلىعى تەاترالدى الماناحتىڭ ءۇشىنشى باسىلىمىن شىعاردى.
جىرجيناقتا بالالار تەاترىنا ارنالعان پەسالار توپتاستىرىلعان، ولاردىڭ اۆتورلارى - تۇركى ەلدەرىنىڭ دراماتۋرگتەرى، دەپ حابارلايدى قازاقپارات اتالمىش ۇيىمعا سىلتەمە جاساپ.
تۇركسوي ەلدەرىنىڭ تەاتر ونەرىنە قولداۋ ءبىلدىرۋ جونىندەگى ءىس- شارالاردىڭ ءبىرى بولىپ تابىلاتىن جىرجيناق باسىلىمىنىڭ ماقساتى - تۇركىتىلدەس تەاترلارىنىڭ رەپەرتۋارىن بايىتۋ.
كەزەكتى الماناحقا قازاقستان، ازەربايجان، قىرعىزستان، تۇركيا، گاگاۋزيا (مولدوۆا)، حاكاسيا جانە چۋۆاشيا (رەسەي فەدەراتسياسى) مەملەكەتتەرى دراماتۋرگتەرىنىڭ بالالار تەاترىنا ارنالعان تانىمال تۋىندىلارى ەنىپ وتىر. باسىلىمدى دايىنداۋ تۋرالى شەشىم 2016 -جىلى ازەربايجاننىڭ شەكي قالاسىندا وتكەن تۇركسوي ەلدەرىنىڭ مەملەكەتتىك تەاتر باسشىلارى كەڭەسىنىڭ بەسىنشى وتىرىسىندا قابىلداندى.