استانا مارافونىندا جۇگىرگەن ۇلكەن وتباسىلار مەن جاس جۇبايلار سىيلىق الادى
ول ءۇشىن وتباسى مۇشەلەرى نەمەسە جاس جۇبايلار بىرىگىپ ءۇش ديستانتسيانىڭ ءبىرىن ەڭسەرۋى ءتيىس: 2017 مەتر، 10 ك م نەمەس 42 ك م 195 مەتر، دەپ حابارلايدى ortcom.kz.
بۇل تۋرالى ورتالىق كوممۋنيكاتسيالار قىزمەتىندە شاڭحاي ىنتىماقتاستىق ۇيىمى مەن ازياداعى ءوزارا ىقپالداستىق جانە سەنىم شارالارى جونىندەگى كەڭەستىڭ استانا حالىقارالىق مارافونىنا ارنالعان باسپا ءسوز ءماسليحاتىندا بەلگىلى بولدى. ءباسپاسوز جيىنىنا قاتىسقان شىۇ باس حاتشىسى راشيد ءالىموۆ شارانىڭ «شاڭحاي وتباسىنا» كىرەتىن مەملەكەتتەردە عانا ەمەس، باسقا دا ەلدەردە قىزىعۋشىلىق تۋدىرعانىن ايتا كەلىپ، مارافون ءداستۇرىنىڭ جالعاساتىنىن جەتكىزدى.
«بۇل استاناعا بەسىنشى رەت كەلۋىم. ءار ساپارىمدا ەرتە تۇرىپ، قالانى جاياۋ ارالايمىن. تازا اۋا، كەڭىستىك - مۇنىڭ ءبارى ادامعا ەرەكشە كوڭىل- كۇي سىيلايدى. ال حالىقارالىق مارافوننىڭ قازاقستان استاناسىندا ءوتۋى مەملەكەتتەر اراسىنداعى ءوزارا دوستىقتى، سالاۋاتتى- ءومىر سالتىن ناسيحاتتايدى دەپ سەنەمىن»، - دەدى ش ى ۇ باس حاتشىسى.
سپيكەردىڭ ايتۋىنشا شاراعا «تاسس»، «شينحۋا» حالىقارالىق اقپارات قۇرالدارى قولداۋ بىلدىرەدى. ال ەلىمىزدىڭ مەملەكەتتىك ارنالارى مارافوننىڭ اشىلۋ سالتاناتى مەن ماراپاتتاۋ ءراسىمىن تىكەلەي ەفيردەن كورسەتەدى.
ش ى ۇ العاشقى مارافونى 2016 -جىلى وتكىزىلدى. وعان ءتورت قۇرلىقتان 15,6 مىڭ ادام قاتىستى. مارافون ش ى ۇ قۇرىلۋىنا 15 جىل تولۋىنا ورايلاستىرىلدى.