11:32, 26 - تامىز 2017 | GMT +6
كونە سۋرەتتەگى ءۇندىستىڭ قولىنان «ايفون» تابىلدى
استانا. قازاقپارات - سۋرەتشى ۋمبەرتو رومانونىڭ 1937 - جىلعى كارتيناسىنان قولىندا iPhone-عا ۇقسايتىن ءبىر زاتتى ۇستاپ تۇرعان ءۇندىس تابىلدى، دەپ حابارلايدى Motherboard.
اتالىپ وتىلگەندەي، يتاليالىق سۋرەتشى ۋمبەرتو رومانو 1937 -جىلى «پينچون مىرزا مەن سپرينگفيلد قونىسى» كارتيناسىن اياقتاعان. ول جەردە بريتاندىق كولونيست ۋيليام پينچون بەينەلەنگەن.
ونىڭ جانىندا iPhone-عا ۇقسايتىن ءبىر زاتتى ۇستاپ تۇرعان ءداستۇرلى كيىم كيىنگەن ءۇندىس تۇر.
ونىڭ قاسىنداعى تاعى ءبىر ەر ادام دا سول زاتتى قىزىعۋشىلىقپەن تاماشالاۋدا. Motherboard رەداكتورى برايان اندەرسوننىڭ ايتۋىنشا، بۇل كارتينا تۋرالى تاريحشى دەنيەلا كروۋننىڭ سۋرەتشى تۋرالى ماقالالارىنان بىلگەن.
تاريحشى كارتيناداعى كەيىپكەردىڭ قولىنداعى زاتى سمارتفون ەمەس، قاراپايىم اينا دەپ ەسەپتەيدى. ونىڭ پىكىرىنشە، ول جەرگىلىكتى امەريكالىقتار قوعامىنداعى جوعارى مارتەبەنى ءبىلدىرۋى مۇمكىن.