قاراعاندى وبلىسىنىڭ تەلەارناسى اتاۋىن «سارى ارقا» دەپ وزگەرتتى
بۇل تۋرالى قاراعاندى وبلىسىنىڭ وڭىرلىك كوممۋنيكاتسيالار قىزمەتىندە بولعان بريفينگتە رەسپۋبليكالىق «قازاقستان» تەلەراديوكورپوراتسياسىنىڭ وبلىستىق بولىمشەسى ديرەكتورىنىڭ ورىنباسارى جانىبەك سادىقانوۆ مالىمدەدى.
- بارلىعىڭىز بىلەسىزدەر، «قازاقستان- قاراعاندى» تەلەارناسى رەسپۋبليكالىق «قازاقستان» تەلەراديوكورپوراتسياسىنىڭ بولىمشەسى بولىپ تابىلادى. جىل سايىن كۇزدە بارلىق ارنالاردا جاڭا ماۋسىم باستالادى، بيىلعى ماۋسىم ەرەكشە بولماق. بىرىنشىدەن رەبرەندينگ جۇرگىزىلەدى. دۇيسەنبى، 28- تامىزدان باستاپ تەلەراديوكورپوراتسياسىنىڭ بايرلىق ايماقتارداعى بولىمشەلەرىندە تەلەارنالاردىڭ لوگوتيپتەرى مەن اتاۋلارى وزگەرەدى. ءبىزدىڭ ارنا ەندى «SARYARQA» دەپ اتالاتىن بولادى. ءبىز بۇل اتاۋدى ادەيى تاڭدادىق، سەبەبى ول تۇتاستاي ءبىزدىڭ وبلىسىمىزدى بىلدىرەدى. ءبىز قازاقستاننىڭ بارلىق ايماقتارىنا حابار تاراتامىز، سوندىقتان ءار كورەرمەن ارنانىڭ اتاۋىنان- اق سارى ارقا - بۇل قاراعاندى، قاراعاندى وبلىسى ەكەنىن بىلەتىن بولادى، - دەيدى جانىبەك سادىقانوۆ.
سونداي- اق ونىڭ سوزىنشە، جاڭا ماۋسىمدا «SARYARQA» تەلەارناسىندا جاڭالىقتار مەن بىرنەشە باعدارلامالا ەفيرگە جاڭاشا تۇردە شىعادى. كەلەسى جىلى ەكى جاڭا جوبانى اشۋ جوسپارلانۋدا.
كورپوراتسياسىنىڭ باسپا ءسوز قىزمەتىنىڭ حابارلاۋىنشا، رەبرەندينگتىڭ باستى ماقساتى - كورپوراتسيانىڭ بارلىق مەديا اكتيۆتەرىنە ءتان، ۇلتتىق ءداستۇردى ايگىلەيتىن، كورپوراتسيانىڭ جاڭا الەمدىك ستاندارتتارعا تالپىنىسىن كورسەتەتىن - ءبىرتۇتاس تانىمال بەلگى قۇرۋ. تەلەراديوكورپوراتسيانىڭ ەندىگى اتاۋى - «QAZAQSTAN».
بولىمشەلەردەگى لوگوتيپتە بىردەي كوك جانە سارى تۇستەر بولادى. ولار قازاقستان رەسپۋبليكاسىنىڭ مەملەكەتتىك تۋى ىسپەتتى جاسالعان.