رامزان قادىروۆ يراكتاعى التى قازاقستاندىقتىڭ قۇتقارىلعانىن حابارلادى
«يراكتىق كۇردىستاندا رەسەي جانە ت م د ەلدەرىنىڭ ازاماتتارىن قۇتقارۋ بويىنشا ءىرى گۋمانيتارلىق وپەراتسيانىڭ كەزەكتى كەزەڭى اياقتالدى. وسى كۇندەرى تال-افاردا 12 ادام بوساتىلىپ، قاۋىپسىز جەرگە كوشىرىلدى. ونىڭ ىشىندە التى ادام رەسەي ازاماتى، التاۋى قازاقستان ازاماتى»، - دەپ جازدى قادىروۆ الەۋمەتتىك جەلىدە.
شەشەن ەلى باسشىسىنىڭ ايتۋىنشا، قۇتقارۋ وپەراتسياسىنا يراك كۇردىستانىنىڭ ارنايى قىزمەتتەرى مەن قۇقىق قورعاۋ ورگاندارى قاتىستى. بۇدان بولەك، ەربيلدەگى ر ف باس كونسۋلدىعىنىڭ قىزمەتكەرلەرى ۇلكەن قولداۋ كورسەتكەن.
«ازىرگە ءبىز وپەراتسيانىڭ ەگجەي-تەگجەيىن ايتا المايمىز، ويتكەنى بۇل وپەراتسيانىڭ توقتاۋىنا اكەپ سوعىپ، ونىڭ قاتىسۋشىلاردىڭ ومىرىنە قاۋىپ ءتوندىرۋى مۇمكىن. تەك رەسەيدىڭ تاعى التى ازاماتىنىڭ قايدا ەكەنى انىقتالعانىن ايتا الامىن، ولار ءتۇرلى جولمەن مەنەن كومەك سۇرادى»، - دەپ حابارلادى رامزان قادىروۆ.