09:36, 25 - تامىز 2017 | GMT +6
وزبەكستان بالالاردى زياندى اقپاراتتان قورعاۋدى زاڭمەن بەكىتتى
استانا. قازاقپارات - وزبەكستان سەناتى «بالالاردىڭ دەنساۋلىعىنا زيان تيگىزەتىن اقپاراتتاردان ولاردى قورعاۋ تۋرالى» زاڭدى ماقۇلدادى. بۇل تۋرالى كابار حابارلايدى.
عىلىم، ءبىلىم، مادەنيەت جانە سپورت جونىندەگى كوميتەت ءتوراعاسى زاينيتدين نيزامحودجايەۆتىڭ ايتۋىنشا، اتالعان زاڭنىڭ باستى ماقساتى - بالالاردىڭ پسيحيكاسىن بۇلدىرەتىن، جانىن جارالايتىن اقپاراتتاردىڭ ىقپالىنان قورعاۋ، ولاردىڭ تارالۋىنا جول بەرمەۋ، سونداي-اق بالالاردىڭ جالپى دەنساۋلىعىنا زيان كەلتىرەتىن اقپاراتتارعا قولجەتىمدىلىكتى شەكتەۋ.
«جاڭا زاڭعا سايكەس، بۇدان بىلاي اقپاراتتىق ونىمدەر 7، 12، 16 جانە 18 جاس ەرەكشەلىكتەرىنە قاراي بەلگىلەنەتىن بولادى»، - دەپ اتاپ ءوتتى كوميتەت ءتوراعاسى.