جەڭىلىپ كورمەگەن بريتاندىق بوكسشى جاقيانوۆپەن بىرگە جاتتىعىپ جاتىر

استانا. قازاقپارات - بريتاندىق بوكسشى مارك حەففرون (17-0, 13 ك و) WBA (Super) نۇسقاسى بويىنشا جەڭىل سالماقتاعى چەمپيون، قازاقستاندىق جانات جاقيانوۆپەن (27-1, 18 ك و) جاتتىعۋ بارىسىندا تۇسكەن فوتوسۋرەتتەرىمەن ءبولىستى، دەپ حابارلايدى Sports.kz.

ەكى بوكسشى دا جاتتىقتىرۋشى ريككي حاتتوننىڭ جەتەكشىلىگىمەن مانچەستەرگە تاياۋ ورنالاسقان زالدا جاتتىعىپ جاتىر.

«بۇگىن تاڭەرتەڭ اۋىر جاتتىعۋ كەزەڭى بولدى. ايقاسقا دايىندالىپ جاتىرمىز. جانات جاقيانوۆپەن كەزدەسكەنىمە قۋانىشتىمىن»، - دەپ جازدى حەففرون تۆيتتەردەگى پاراقشاسىندا.

21 -قازان كۇنى بەلفاستا (سولتۇستىك يرلانديا) جاقيانوۆ جەرگىلىكتى بوكسشى، IBF تيتۋلىنىڭ يەگەرى رايان بارنەتتپەن (17-0, 9 ك و) ايقاس وتكىزەدى.