الەمنىڭ ۇزدىك وقۋلىقتارى قازاق تىلىنە اۋدارىلادى - نۇرسۇلتان نازاربايەۆ
«ءبىز قازىر دۇنيەنىڭ وسكەن-وركەندەگەن ەلدەرىمەن تەڭ بولامىز دەپ ءجۇرمىز. ءبىراق تا، ورىس تىلىنەن اۋدارعان كەيبىر باتىستىڭ زاماناۋي وقۋلىقتارىنان باسقا، قازاق تىلىنە اۋدارىلعان ەشبىر وقۋلىق جوق. تەك قانا ءوز تاريحىمىزدى ەمەس، الەمنىڭ ۇزدىك وقۋلىقتارىن اۋدارۋدى جاڭا تاۋەلسىزدىك العان مەملەكەتتەر اراسىندا تۇڭعىش رەت قولعا الىپ وتىرمىز. ءبىزدىڭ وقىعان وقۋلىقتارىمىزدى ايتايىق، فيلوسوفيادان، تاريحتان، مادەنيەتتانۋدان جانە باسقا دا سالالاردا دۇنيەجۇزىنىڭ ۇزدىك وقۋلىقتارى بار، ولار دا قازاق تىلىنە اۋدارىلعان جوق. بىزدەگى جوعارى وقۋ ورىندارىن سوعان بەيىمدەيتىن بولساق، بالالار باتىستىڭ بارلىق تاريحىن، مادەنيەتىن، ءجۇرىس- تۇرىسىن بىلەتىن بولادى. 30 ەلدىڭ اراسىنا كىرەمىز دەسەك، سولاردىڭ تاريحىن، ءبىلىمىن، فيلوسوفياسىن، ادەبيەتىن قازاق تىلىندە وقۋعا مۇمكىنشىلىگىمىز بولادى. وسىنداي وقۋلىقتاردى اۋداراتىن ارنايى بيۋرو قۇرىلدى. مەنىڭ بىلۋىمشە، 17 وقۋلىق باسپاعا دايىندالىپ جاتىر»، - دەدى ن. نازاربايەۆ.
سونداي-اق، سۇحباتتا ەلباسى «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ حالىق تاراپىنان جاقسى قولداۋعا يە بولعانىن اتاپ ءوتتى.
