تۇركى الەمىنىڭ سۋرەتشىلەرى وتىرار جانە ساۋران قالاشىقتارىن ارالادى - فوتو

 شىمكەنت. قازاقپارات - «تۇركىستان - تۇركى الەمىنىڭ مادەني استاناسى» جىلى اياسىنداعى ХХ شى تۇركسوي ۇيىمىنا مۇشە ەلدەردىڭ سۋرەتشىلەرىنىڭ پلەنەرى وتىرار جانە ساۋران قالاشىقتارى مەن ارىستان باب كەسەنەسىندە جالعاسىن تاپتى، دەپ حابارلايدى قازاقپارات ح ا ا ءتىلشىسى.

 وڭتۇستىك قازاقستان وبلىسىنا ارنايى كەلگەن تۇركى الەمىنىڭ سۋرەتشىلەرى وتىرار جانە ساۋران قالاشىقتارىن ارالادى. تاريحي ورىنداردىڭ كەشەگى جانە بۇگىنگى كەيىپىن بەينەلەدى. ارىستان باب كەسەنەسى مەن تاريحي، مادەني ەسكەرتكىشتەردى سالدى. تاجىريبەلى فوتوگرافتار بولسا قويناۋى تاريحقا تولى قاسيەتتى جەرلەردىڭ سۋرەتتەرىن ءتۇسىردى. وڭتۇستىك ءوڭىرىنىڭ وزىندىك تابيعي گەوگرافيالىق ەرەكشەلىكتەرى مەن كوز تارتارلىق ورىندارىن بەينەلەيتىن حالىقارالىق دەڭگەيدەگى ونەر شىعارمالارىن جاساپ، ناسيحاتتاۋعا تىرىستى. بەينەلەۋ ونەرىندە جاڭا كوركەم باعىتتار جانە پلاستيكالىق شەشىمدەر مەن فورمالاردى ىزدەستىرۋدى نازارعا الدى.