ەلىمىزدەگى تاريحي ەسكەرتكىشتەر مەن كيەلى جەرلەر جان- جاقتى زەرتتەلىپ جاتىر

استانا. قازاقپارات - كيەلى جەرلەر زەرتتەۋ جۇمىستارى مادەني مۇرا مەملەكەت باسشىسىنىڭ «رۋحاني جاڭعىرۋ» جونىندەگى باستاماسىنا سايكەس بۇگىندە ەلىمىزدەگى تاريحي ەسكەرتكىشتەر مەن كيەلى جەرلەردىڭ ءمان- ماڭىزى جان- جاقتى زەردەلەنىپ جاتىر.

 سونداي تاريحى تۇنعان ورىننىڭ ءبىرى - باتىس قازاقستان وبلىسىنداعى حان ورداسى اۋىلى. 1826 -جىلى جاڭگىر حان نارىن قۇمىنىڭ ەتەگىندەگى جاسقۇس دەپ اتالاتىن وسى جەردەن حان سارايىن سالدىرعان. نىساننىڭ شىعىس قاناتىنان قارۋ- جاراق پالاتاسى، ياعني قازاقتىڭ العاشقى مۋزەيىن اشىپ، ديناستيالىق قۇندى قارۋلاردى جيناعان. حاندىق بيلىكتىڭ تاراۋىنا بايلانىستى جابىلعان مۇراجاي 1962 -جىلى قايتا اشىلدى. حان سارايىنىڭ كەزىندە ورتەنىپ كەتكەن ورتالىق جانە باتىس بولىگى «مادەني مۇرا» باعدارلاماسى بويىنشا 2010 -جىلى قالپىنا كەلتىرىلدى.

ماماندار بۇل جەردى بولاشاقتا تۋريستىك ورتالىققا اينالدىرۋ ءۇشىن تاريحي قورىقتىڭ جوسپارىن جاساپ، ءوز ۇسىنىستارىن جولداپتى. بۇگىندە كەشەندە 6 مۋزەي بار. سوڭعى اشىلعانى باسپاحانا تاقىرىبىندا. وسى جەردە وتكەن عاسىردىڭ باسىندا «ۇران» ، «قازاقستان» گازەتتەرى شىققان ەكەن.

 لۋنارا ەدىلبايەۆا، مۇراجاي قىزمەتكەرى:

 - 1911 -جىلى وردا جەرىندە العاشقى «قازاقستان» گازەتى ۇيىمداستىرىلدى. ونىڭ رەداكتورى رەتىندە سول كەزدەگى قوعام قايراتكەرى ەلەۋسىن بۇيرين تاعايىندالادى. سول گازەتتىڭ «قازاقستان» اتالۋىنىڭ سەبەبىن ەلەۋسىن بۇيرين «قازاق ەلى بار» دەپ ءتۇسىندىردى. «قازاقستان» گازەتى 1911 -جىلى شىعىپ، 1913 -جىلى باسىلۋى توقتاتىلدى.

www.24.kz