استانا كۇنىن جاپپاي تويلاۋ نەمەسە كوشە بيلەرى - فوتو

ISDS فەستيۆالى - قازاقستان مەن تاياۋ شىعىستىڭ ەڭ ۇزدىك بيشىلەرى كەزدەسەتىن الاڭ، دەپ حابارلايدى قازاقپارات ەلوردا اكىمدىگىنىڭ مەديا ورتالىعىنا سىلتەمە جاساپ. اكىمدىك الدىنداعى الاڭدا جۇزدەگەن جاس ءوسپىرىم جينالىپ، ءبي الاڭىنا شىقتى. اۋا رايى دا قارايلاسقان بۇل كۇندە ادامداردىڭ كوڭ- كۇيى كوتەرىڭكى، بۇقارا بولىپ جاپپاي تويلاندى.

بيشىلەردىڭ بۇل بايقاۋى العاش رەت 8 جىل بۇرىن وتكىزىلگەن بولاتىن. بايقاۋدىڭ ۇيىمداستىرۋشىسى - تانىمال قازاقستاندىق حورەوگراف نۇرسۇلتان تاشەنوۆ. ول الەمدىك دەڭگەيدەگى بەلدى بيشىلەرمەن جۇمىس ىستەگەن. تاجىريبە الماسۋ ءۇشىن قازاقستان مەن وزگە دە شەت مەملەكەتتەردەن جىل سايىن جۇزدەگەن ءبيشى ISDS فەستيۆالىنە كەلەدى. شارانىڭ باستالۋىنا 10 مينۋت قالعان ءسات.

ساحناعا شىعۋ الدىنداعى سوڭعى دايىندىق.



الماتى قالاسىنان كەلگەن 22 جاستاعى ايجان house جانە waacking ستيلىندە بيدەن ونەر كورسەتتى. ونىڭ بيمەن اينالىسقانىنا 8 جىل بولعان. ءبي ونىڭ سۇيىكتى ءىسى، حوببيى. كوشە بيىنە تەك كاسىبي بيشىلەر عانا ەمەس، سونداي-اق ءبيدى سۇيەتىن جاس بالالار قاتىستى. استانا قالاسىنىڭ تۇرعىنى، 21 جاستاعى ادىلەتتىڭ بيمەن اينالىسا باستاعانىنا نەبارى جارتى جىل بولعان. ونىڭ سوزىنە قاراعاندا، ءبيدىڭ كومەگىمەن ول ءوزىن- ءوزى دامىتىپ، سەرگەك سەزىنەدى، جاقسى كوڭىل-كۇيدە جۇرەدى.

باس شاھارىمىزعا كەلگەن فرانسيانىڭ 35 جاستاعى تۇرعىنى ءوزىنىڭ اسەرىمەن ءبولىستى. بيشىلەر ونىمەن سويلەسىپ، قىزۋ پىكىرتالاس ۇيىمداستىرسا، قوناقتار سۋرەتكە تۇسۋگە اسىقتى. Meech de France - كوشە ءبيىنىڭ تانىمال ءبيشىسى، جارىسقا قازىلار القاسى رەتىندە كەلگەن. ونىڭ قازاقستانعا كەلۋى العاشقى ەمەس. ول ەلىمىزدىڭ باي مۇراسىن، ەڭ كورىكتى جەرلەرىن قىزىقتادى. حالقىمىزدىڭ قوناقجاي ەكەنىن اتاپ ءوتتى.

ءبي جارىسى كەستە بويىنشا ساعات 19.00 دە باستالدى. ساحنا الدىنا كورەرمەندەر كوپتەپ جينالدى.



ءبيدىڭ قىر-سىرىن كورسەتكەن 12 جاسار ليزا ياكوۆەنكو كورەرمەندەر مەن قازىلار القاسىنىڭ ىستىق ىقىلاسىنا بولەندى.



فەستيۆالدە ەشقانداي شەكتەۋ بولعان جوق. بوستاندىق رۋحىنا بولەنگەن بيشىلەرگە ريزا بولعان كورەرمەن تاماشا قويىلىمعا كوزايىم بولىپ قايتتى.



بىرنەشە ساعاتقا جالعاسقان ءبي جارىسى ءاپ-ساتتە ءوتىپ كەتتى. ۇيىمداستىرۋشىلاردىڭ سوزىنە قاراعاندا، الداعى ۋاقىتتا قازاقستاندا بيمەن اينالىسقىسى كەلەتىندەردىڭ قاتارى كوبەيەدى.