ارمىسىڭ، جاڭا استانا

وندا استاناعا ارنالعان تۇتاس تاراۋ بار جانە ەلوردانى اۋىستىرۋ تۋرالى شەشىم قابىلدانعان ساتتەگى وقيعالار قامتىلعان. قازاقپارات وقىرمان نازارىنا ءدال وسى تاراۋدان ۇزىندىلەر ۇسىنادى.

«استانانى اۋىستىرۋ يدەياسىن پرەزيدەنت 1994 -جىلى 6 - شىلدەدە جوعارعى كەڭەس ماجىلىسىندە ايتقان. بۇل نۇرسۇلتان ءابىش ۇلىنىڭ تۋعان كۇنى ەدى. ءوز ۇسىنىسىنا دەپۋتاتتاردىڭ قالاي قاراعانىن ول بۇگىندە كۇلىپ ەسكە الادى: - بۇل ناعىز «مىلقاۋ ساحنا» بولدى. گوگولدىڭ «ريەۆيزورىنداعى» سياقتى. ۇرەي سەزىمى، تاڭىرقاۋ، ناعىز شوشىنۋ جۇزدەرىنەن بايقالىپ تۇردى. الاقان سيرەك سوعىلدى، بۇرىنعىداي دۋ قول شاپالاقتاۋعا ۇلاسپادى. ول توقتاعاندا زالدى مەڭىرەۋ ۇنسىزدىك باستى. تالقىلاۋدا داۋىس ەكىگە جارىلدى. كوپشىلىگى: اۋىستىرۋ قاجەتسىز، ويتكەنى استانا بار دەپ سانادى. ازشىلىعى: اۋىستىرۋ قاجەت، ءبىراق قازىر ەمەس، بۇعان زور قاراجات قاجەت ەتىلەدى دەستى. نۇرسۇلتان ءابىش ۇلى استانالاردى اۋىستىرۋدىڭ الەمدىك تاجىريبەسىن تالداپ، ونىڭ جاعدايى ءارقيلى بولعانىن ءتۇسىندىردى. قازاقستان استاناسىن اۋىستىرۋدىڭ قاجەتتىگى نەگە كەنەتتەن پايدا بولدى؟ كەنەتتەن ەمەس. بۇعان دەيىن قازاقستاننىڭ مينيسترلەر كەڭەسى مەن قازاقستان كومپارتياسى ورتالىق كوميتەتىن باسقارىپ تۇرعاندا الماتىنىڭ استانا رەتىندەگى فۋنكتسياسىن اتقارۋعا اسا جارامدى ەمەستىگىن انىقتاعان. قالادا كەڭەيەتىن كەڭىستىك جوق. جاڭا اكىمشىلىك عيماراتتار مەن تۇرعىن ءۇي كەشەندەرىن سالۋعا بوس ورىن بولمايتىن. جان- جاعىنان تاۋ قورشاپ، سەيسمولوگيالىق قاتەر ءتونىپ تۇرادى» .

اۆتور نيكولاي زەنكوۆيچ اتاپ وتكەندەي، «ۇلى ادام تۋرالى ۇلاعاتتى كىتاپتىڭ» بىرەگەيلىگى ەڭ جاس وقىرماندارعا - مەكتەپ وقۋشىلارىنا ارنالعان جالعىز ەڭبەك بولۋى.

اۆتور: ايجان سەرىكجان قىزى