امەريكالىقتار ەكسپو- دا قازاقشا سويلەپ قايران قالدىردى

اتالعان مەرەكە مەملەكەتتىڭ تاۋەلسىزدىك كۇنىنە وراي ۇيىمداستىرىلعان. باسقوسۋدا امەريكالىقتار قازاق تىلىندە سويلەپ، جينالعان جۇرتتى ءتانتى ەتتى.

شارانىڭ رەسمي ءبولىمى قازاقستاننىڭ ەنەرگەتيكا ۆيتسە- ءمينيسترى ماعزۇم مىرزاعالييەۆتىڭ سوزىمەن باستالدى. «امەريكانىڭ ەكسپو-2017 كورمەسىنە بەلسەندى قاتىسىپ جاتقانىن جانە جاسىل ەنەرگەتيكانى دامىتۋعا جوعارى ۇلەس قوسقانىن ايرىقشا اتاپ وتكەنىمىز ءجون. سونىمەن قاتار، اقش- تىڭ ەلىمىزبەن بەرىك قارىم- قاتىناسىنا ريزاشىلىعىمىزدى بىلدىرەمىز. ەكىجاقتى ىنتىماقتاستىق ناتيجەسىندە امەريكالىق «شەۆرون» جانە «ەكسون موبيل» كومپانيالارى قازاقستاندىق مۇناي نارىعىن يگەرۋگە اتسالىسىپ، ءبىز ءۇشىن سەنىمدى سەرىكتەستىكتەرگە اينالدى، دەپ جازادى ەگەمەن قازاقستان گازەتى.

تاعى دا ايتا كەتەرلىگى، ا ق ش- تىڭ جاڭارتىلاتىن ەنەرگيا كوزدەرىن زەرتتەۋدەگى تاجىريبەسى قازاقستاننىڭ ۇلكەن قىزىعۋشىلىعىن تۋدىردى. ولار - جاسىل تەحنولوگياداعى جيناقتاعان تاجىريبەسى تۇرعىسىنان ەڭ وزىق ەلدەردىڭ قاتارىندا. سونداي- اق، جۇزدەگەن امەريكالىق كومپانيا جاڭارتىلاتىن ەنەرگياعا كوشۋ جاھاندىق باستاماسىن قولداعان»، دەدى ول. جيىندا ا ق ش ەلشىسى، پاۆيلونىنىڭ كوميسسارى دجوردج كرولل قازاق ءتىلىن اجەپتاۋىر بىلەتىنىنە كوپشىلىكتىڭ كوزىن جەتكىزدى. قازاقستان تاراپىنىڭ ىستىق ىقىلاسىنا كوڭىلى تولعاندىعىن بىلدىرگەن كوميسسار پاۆيلوندارى جايىندا اڭگىمەلەدى.

«ءبىز «بولاشاق ەنەرگياسى» تاقىرىبىمەن شابىتتانىپ، «سارقىلماس ەنەرگيا كوزى - ءارقايسىمىزدىڭ ىشىمىزدە» دەگەن يدەيانى جەتكىزگىمىز كەلەدى. ءوزىمىزدىڭ ەنەرگيامىز ارقىلى ءبىز تاڭعالارلىق ناتيجەلەرگە جەتكىزەتىن يننوۆاتسيالاردى ىنتالاندىرامىز. ا ق ش پەن قازاقستان اراسىنداعى قاتىناستاردىڭ ەنەرگەتيكاسى امەريكا پاۆيلونىن يدەيادان شىنايى جەتىستىككە الىپ باراتىنى ءسوزسىز.ا ق ش پەن قازاقستان اراسىنداعى سەرىكتەستىك تەك ساياسي ليدەرلەر ارقاسىندا عانا ەمەس، جەكە سەكتور مەن ادامداردىڭ اراسىنداعى قاتىناستاردىڭ ناتيجەسىندە دە نىعايا ءتۇستى»، دەدى كرولل.

باسقوسۋدىڭ ەكىنشى بولىمىندەگى كونسەرتتى جۇرگىزگەن امەريكالىق جاستاردىڭ قازاقشاسى اعىلىپ تۇرماسا دا، اڭگىمەلەسۋگە جاراپ تۇر. ال ساحناعا تانىمال گرەيس گاررەت شىعىپ، ءوزىنىڭ «ۋكەلەلە» اتتى اسپابىمەن «دۋدارايدى» ايتا باستاعاندا، كوزىنە جاس العان كورەرمەندەر بولدى.

امەريكالىقتار مۇنىمەن شەكتەلگەن جوق، ا ق ش حالقىنىڭ بوستاندىعىن، ەركىن ويلاۋ قابىلەتىن بارىنشا كورسەتتى. قازاقتىڭ كۇيلەرى مەن وزدەرىنىڭ اۋەندەرىن ۇندەستىرىپ، پاپپۋري ورىندادى. ءتىپتى، «قاماجاي» انىنە بيلەپ، ونى دا ۇلتتىق مۋزىكاسىمەن شەبەر ۇيلەستىردى.

مادەني شارانىڭ سوڭى جاپپاي بيگە ۇلاستى. سودان كەيىن قاتىسۋشىلار مەرەكەلىك شەرۋمەن ا ق ش پاۆيلونىنا اتتاندى. شەرۋدىڭ باسىندا الەمگە ايگىلى «Harley-Davidson-نىڭ» ەكى موتوتسيكلى، ونىڭ ارتىندا اسكەري كۋرسانتتار مەن چەرليديرشى قىزدار ءجۇردى. پاۆيلونعا كەلۋشىلەرگە «شەكسىز ەنەرگيا كوزى دەگەنىمىز نە؟» دەگەن ساۋال قويىلادى. سودان سوڭ بولاشاق ەنەرگياسىن ايقىندايتىن فيلم كورسەتىلەدى. كوپشىلىك كەلەسى بولىكتە «ءومىر ەنەرگياسى» دەپ اتالاتىن تاڭعاجايىپ شوۋدى تاماشالايدى. شوۋ ءبىر مەزگىلدە ءۇش ۇلكەن ەكران ارقىلى كورسەتىلىپ، كەيىن كوپقاباتتى ەدەن ارقىلى كەڭەيىپ، جالعاسادى. ءدال وسى كەزدە كىرەبەرىستە قويىلعان ساۋالدىڭ جاۋابى شىعادى.

سونىمەن قاتار، ا ق ش پەن قازاقستان اراسىنداعى دوستىقتىڭ دامۋى جايلى مالىمەت بەرىلەدى. ا ق ش پاۆيلونىنىڭ مادەني-بۇقارالىق شارالارى وسىمەن بىتپەيدى. بيىل مەملەكەتتىڭ تاۋەلسىزدىگىنە 241 -جىل تولىپ وتىر. وسىعان وراي، ا ق ش مادەنيەتىنە ارنالعان مەرەكەلىك اپتالىق ۇيىمداستىرىلادى. سونىڭ اياسىندا امەريكالىق روك، بليۋگراسس، سوۋل مەن حيپ- حوپ ونەرى كورسەتىلەدى.

اسحات رايقۇل