ەلباسى استانا تۇرعىندارىن «جاسىل بەلدەۋ» اۋماعىن كەڭەيتۋگە شاقىردى

«بارشالارىڭىزدى استانا كۇنىمەن قۇتتىقتايمىن. ەلوردانىڭ ءىشى عانا ەمەس، سونىمەن قاتار قالانىڭ ماڭى دا كەرەمەت. استانانىڭ توڭىرەگىندە ورمان جايقالىپ تۇر. ادامدار دەمالاتىن ورىندار جاساقتالدى. ەڭ باستىسى بۇل جاسىل- جەلەك بولاشاققا ەسكەرتكىش. بۇل ورمان قالانى جەلدەن، شاڭنان قورعايدى، تازالىققا ۇلەس قوسادى» ، - دەدى پرەزيدەنت استانانىڭ «جاسىل بەلدەۋى» اۋماعىن قۇرايتىن ورمان القابىن ارالاعاننان كەيىن.

وسى ورايدا ەلباسى قالادا ۇلكەن ساياباقتار سالىنىپ جاتقانىن، الداعى جاسىل- جەلەك اۋماعى ارتا تۇسەتىنىن اتاپ ءوتتى. «ءبىز «جاسىل ەنەرگەتيكامەن» ، تابيعاتتى كوركەيتۋمەن اينالىسۋدامىز. وسى ورايدا ادامدارعا قاجەتتى جاعداي جاسالۋدا. تۇرعىندار بۇل ورماندى جەرلەردى قورعاۋى ءتيىس، ياعني ورتتەن قورعاۋعا كومەكتەسىپ، ونىڭ اۋماعىن كەڭەيۋگە ۇلەسىن قوسۋى كەرەك» ، - دەدى نۇرسۇلتان نازاربايەۆ.

بۇدان بۇرىن حابارلانعانداي، بۇگىن ەلباسى «استانانىڭ جاسىل بەلدەۋىنە» قىرعاۋىلدار مەن ەلىكتەردى جىبەردى.

 اۆتور: رۋسلان عابباسوۆ