قازاقستانعا پولشا پرەزيدەنتى كەلەدى
گۇلشارا ءابدىقالىقوۆا ەكسپو-2017 اياسىندا قازاقستانعا كەلگەن پولياك دەلەگاتسياسىنا العىسىن ءبىلدىرىپ، ەكى ەلدىڭ اراسىندا ساياسي- ەكونوميكالىق بايلانىستاردىڭ ويداعىداي نىعايىپ كەلە جاتقانىن جەتكىزدى.
«بىلتىر قازاقستان باسشىسى پولشاعا رەسمي ساپارمەن بارىپ كەلگەن. ول ساپار وتە ءتيىمدى بولدى. ەندى، اعىمداعى جىلى قىركۇيەك ايىندا ءبىز پولشا پرەزيدەنتى - دۋدا مىرزانى. ول ساپار دا ماڭىزدى وقيعا بولادى»، - دەدى ءابدىقالىقوۆا.
مەملەكەتتىك حاتشى ەكونوميكا سالاسىنداعى، سونداي- اق مادەني- گۋمانيتارلىق باعىتتاعى شارالارعا توقتالىپ، پولشادا 700-دەن استام قازاقستاندىق جاستاردىڭ ءبىلىم الىپ جاتقانىن تىلگە تيەك ەتتى. استانا مەن ۆارشاۆا اراسىناداعى تىكەلەي اۋە رەيسىنىڭ اشىلۋى دا ەكىجاقتى بايلانىستاردىڭ نىعايا تۇسۋىنە ءوز ىقپالىن تيگىزۋى كەرەك.
«بۇدان بولەك، پولشانى 2018-2019 -جىلدارعا ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە سايلانۋىمەن قۇتتىقتايمىز. ءبىز اتالعان مىندەتتى 2017-2018 -جىلدارعا موينىمىزعا الدىق. وسى ۇيىمنىڭ اياسىندا تىعىز جۇمىس جاسايمىز دەپ سەنەمىز. سونداي- اق، پولشا پارلامەنتىنىڭ قازاقستان مەن ەۋروپا اراسىنداعى كەڭەيتىلگەن ارىپتەستىك تۋرالى كەلىسىمدى راتيفيكاتسيالاعانى ءۇشىن ەرەكشە العىسىمىزدى ايتامىز. پولشا جاعى اتالعان قۇجاتتى بىردەن راسىمدەدى»، - دەپ اتاپ كورسەتتى مەملەكەتتىك حاتشى.
اۆتور: ارمان اسقاروۆ
