قازاقستان مەن قىتاي بىرلەسكەن ازىق- تۇلىك ءونىمى زەرتحاناسىن اشۋى مۇمكىن
دەپ حابارلايدى «اتامەكەن» ۇ ك پ باسپا ءسوز قىزمەتى.
2016 -جىلى شەكارا ماڭى ىنتىماقتاستىق ورتالىعىنا 3 ميلليوننان استام ادام بارعان. ونىڭ ىشىندە 2,5 ميلليون ادام قىتاي تاراپىنان كەلگەن. ولاردىڭ قاتارىندا جاڭا ىنتىماقتاستىق ىزدەگەن كاسىپكەرلەر، تۋريستەر مەن تۇرعىندار بار.
«كورمەگە قاتىسۋ قىتايدىڭ اۋقىمدى نارىعىنا ءوز ءونىمىن تانىستىرۋعا مۇمكىندىك بەرەدى. «قورعاس» اۋماعىندا قازاقستاندىق كاسىپكەرلەر وتە از. جاقىندا رەسەيلىك وندىرۋشىلەردەن كورمەگە قاتىسۋ تۋرالى ۇسىنىس ءتۇستى. وتاندىق كومپانيالاردىڭ الەۋەتى زور عوي. كاسىپورىنعا كورسەتىلەتىن قىزمەتتەردىڭ ىشىندە اۋدارماشى بار. ول ىسكەرلىك كەلىسسوزدەر جاساعاندا كومەكتەسەدى»، - دەپ اتاپ ءوتتى ق ر ش ى ۇ ىسكەرىك كەڭەسى باعدارلاماسىنىڭ جەتەكشىسى زارينا جانسەركەيەۆا.
سونىمەن قاتار جەتەكشىنىڭ ايتۋىنشا، تۋريستەر قازاقستاندىق ازىق- تۇلىككە قىزىعادى. ءبىراق ءار ەلدىڭ سانيتارلىق- ەپيدەميولوگيالىق تالاپتارى ءارتۇرلى. بۇگىندە بىرلەسكەن قازاقستان- قىتاي زەرتحاناسىن اشۋ تۋرالى ماسەلە قاراستىرىپ جاتىر.
«قورعاس» اۋماعىندا ۆيزاسىز 30 كۇن بولۋعا مۇمكىندىك جاسالعان.
