بولاشاعى جوق كاسىپورىنداردى جابۋ كەرەك - باقىتجان ساعىنتايەۆ
ول 90- جىلدارى جەكەشەلەندىرىلگەن كاسىپورىندار اراسىندا تابىستى جۇمىس ىستەپ جاتقاندارى بار ەكەنىن، الايدا بۇگىنگە دەيىن پايداسىنان گورى زيا كوپ كاسىپورىندار سانىنىڭ ارتقاندىعىن ايتتى.
«بۇل وتە قيىن پروتسەسس. ەكونوميكانى جاڭعىرتۋ اياسىندا ءبىر نارسەنى انىق ءتۇسىنۋىمىز قاجەت. ەگەر كاسىپورىننىڭ بولاشاعى بولماسا، ونى جابۋ قاجەت. پايداسى جوق كاسىپورىندا جۇمىس جاسايتىن ادامداردى وزگە جۇمىسقا ورنالاستىرۋ قاجەت جانە بۇل ءۇشىن ايلىقتى كەشىكتىرمەيتىن، جەتكىلىكتى جالاقى تولەيتىن، وزگە دە قيىندىقتاردى بولدىرمايتىن بازا دايىنداۋ كەرەك. ولار سوندا جۇمىس ىستەپ، وتباسىن اسىرايتىن بولادى. تۇسىنىكسىز كاسىپورىنداردى قولدا ۇستاپ، سۋبسيديالاۋدىڭ نە قاجەتى بار»، - دەدى ول «اتامەكەن» ۇلتتىق كاسىپكەرلەر پالاتاسىنىڭ سيەزىن قورىتىندىلاۋ سوزىندە.
پرەمەر- مينيستر بۇل باعىتتا اۋقىمدى جۇمىستار جۇرگىزۋدىڭ قاجەتتىلىگىن تىلگە تيەك ەتىپ، قازاقستاننىڭ بيزنەس- قاۋىمداستىعىنان كومەك سۇرادى.
اۆتور: ايجان سەرىكجان قىزى
