قازاقتار ءۇشىن شىن جۇرەكتەن قۋانىشتىمىز - ماجار ەلى
"قازاقستاننىڭ ءوز جەرىندە ەكسپو سياقتى ءىرى حالىقارالىق شارانى وتكىزىپ جاتقانىنا شىن جۇرەكتەن قۋانىشتىمىز. سەبەبى ۆەنگرلەر مەن قازاقتار ەجەلدەن تۋىس بولىپ كەلەدى. وسى ورايدا ورتاق جەتىستىكتەردى بىرگە تويلاعانىمىز ماڭىزدى. 25 جىلدىڭ ىشىندە قازاق باۋىرلارىمىز ءبىراز جەتىستىكتەرگە جەتتى. الدارىنا قويعان ماقساتتارىن ويداعىداي ورىنداپ كەلەدى. ال قازاقستاننىڭ ەكسپو حالىقارالىق كورمەسىن ورتالىق ازيا ايماعىندا العاش رەت ۇيىمداستىرۋى وسى ەلدىڭ مارتەبەسىن، ايماقتىق جانە حالىقارالىق دەڭگەيدەگى بەدەلىن كورسەتسە كەرەك"، - دەدى ماجارستاننىڭ ۇلتتىق ەكونوميكا ءمينيسترى ۆارگا.
ءوز سوزىندە مينيستر قازاقستانعا العاش رەت 1993 -جىلى كەلگەنىن جەتكىزدى. سودان بەرى ماجارستان مەن قازاقستان اراسىنداعى مىزعىماس دوستىق ءارى باۋىرلاستىق ەش باسەڭدەگەن ەمەس. " ءبىز، ۆەنگرلەر، قازاقستان ءۇشىن شىن جۇرەكتەن قۋانىشتىمىز. وسىنى ەرەكشە اتاپ وتكىم كەلىپ وتىر. سەبەبى تاۋەلسىزدىك العالى بەرى قازاقستاننىڭ قانداي جەتىتىكتەرگە جەتكەنىن ءوز كوزىمىزبەن كورىپ وتىرمىز. ەكى ەلدىڭ اراسىندا ەكونوميكالىق بايلانىستار عانا ەمەس، مادەني- قوعامدىق قارىم- قاتىناستار دا نىعايا بەرەدى دەپ سەنەمىز. ال ەكسپو سول بايلانىستاردى كۇشەيتە بەرسىن"، - دەپ اتاپ كورسەتتى ميحاي ۆارگا. ايتا كەتەيىك، بۇگىن ەكسپو اياسىندا ماجارستاننىڭ پاۆيلونى اشىلعان بولاتىن. ۆەنگرلەر استانانىڭ بايتەرەگى سياقتى ءوز بايتەرەگىن الىپ كەلدى.
اۆتور: ارمان اسقاروۆ
