ەكسپو- نىڭ اشىلۋ سالتاناتى تاڭعاجايىپ وتشاشۋمەن اياقتالدى- فوتو
اتاپ ايتقاندا، شامامەن 15 مينۋتقا سوزىلعان وتشاشۋ تاڭعاجايىپ كورىنىسكە اينالدى. ەكسپو- قالاشىققا جينالعان قاۋىم بۇرىن- سوڭعى وسىنداي وتشاشۋدى كورمەگەنىن ايتۋدا. وتشاشۋ كەزىندە كورمە عيماراتتارى مەن پاۆيلوندارىندا وتىرعان ادامداردىڭ بارلىعى سىرتقا شىعىپ، تاماشا كورىنىستى جاپپاي سمارتفوندارىنا تۇسىرە باستادى.
اۋماعىنداعى مەديا- ورتالىق قىزمەتكەرلەرىنىڭ مالىمەتىنشە، فەيەرۆەركتى ۇيىمداستىرۋ ءۇشىن «استانا ەكسپو-2017» ۇلتتىق كومپانياسى شەتەل كومپانياسىن تارتقان كورىنەدى. پيروتەحنيك ماماندار مەن وتشاشۋ سناريادتارى تۋرالى اقپارات كەيىن بەلگىلى بولماق. ايتا كەتەيىك، كورمەنىڭ رەسمي اشىلۋ ءراسىمى كونگرەسس- ورتالىعىندا ءوتىپ، كەيىن ول امفيتەاترداعى كونسەرتتىك باعدارلامامەن جالعاستى. كونسەرت اياقتالعان سوڭ كورەرمەندەر سفەراداعى پروەكتسيالىق لازەرلى شوۋدى جانە تاڭعاجايىپ وتشاشۋدى تاماشالادى. بۇدان بۇرىن حابارلانعانداي، ق ر پرەزيدەنتى نۇرسۇلتان نازاربايەۆ ەكسپو-2017 حالىقارالىق مامانداندىرىلعان كورمەسىن اشىق دەپ جاريالادى.
«قادىرلى قاۋىم! وسىمەن ەكسپو-2017 كورمەسىن اشىق دەپ جاريالايمىن. الەم جۇرتشىلىعى مەن بارلىق وتانداستارىمدى كورمەنى تاماشالاۋعا شاقىرامىن. ۇلى دالانىڭ تورىنە قوش كەلدىڭىزدەر!» - دەدى ەلباسى.
اۆتور: رۋسلان عابباسوۆ 
