ءۇش بويجەتكەن سەرپينگ تاقتايىمەن فلوريدا بۇعازىن كەسىپ وتپەك

استانا. قازاقپارات - ءۇش امەريكالىق بويجەتكەن سەرفينگكە ارنالعان تاقتايدى جانە ەسكەكتى پايدالانا وتىرىپ، كۋبا مەن ا ق ش- تى ءبولىپ جاتقان فلوريدا بۇعازىن كەسىپ ءوتىپ، رەكورد جاڭارتۋعا بەل بايلادى.

قىزدار ساپارلارىن بەيسەنبى كۇنى كۋبا استاناسىنىڭ باتىسىنداعى «مارينا حەمينگۋەي» ياحتا-كلۋبىنان باستادى.

ولار ساياحاتتارىن فلوريدا شتاتىنىڭ ۋەست قالاسىمەن اياقتاماقشى. 180 كيلومەتر قاشىقتىقتى سپورتشىلار 20-25 ساعاتتا باعىندىرماققا بەل بۋىپ وتىر.

جولدا قىزدار ءار ەكى ساعات سايىن اۋىسىپ تۇرادى: بىرەۋى تاقتايدا تۇرىپ ەسكەك ەسەدى، بۇل ۋاقىتتا قالعان ەكەۋى جول بويى قاستارىندا ەرىپ جۇرەتىن كاتاماراندا دەمالادى.

سەرفينگكە ارنالعان تاقتايمەن فلوريدا بۇعازىن كەسىپ وتكەن الەمدەگى ءبىرىنشى ادام - امەريكالىق بەن فرايبەرگ، ول 2013-جىلى بۇل ارالىقتى 28 ساعاتتا باعىندىرعان. ال بۇعازدى بۇگىنگى كۇنگە دەيىن ءۇش ادام بىرىگىپ سەرفينگ تاقتايىمەن قيىپ وتكەن ەمەس.