10:34, 09 - ماۋسىم 2017 | GMT +5
كەڭەس وداعىن باسقارعان حرۋشيەۆتىڭ نەمەرەسىن پويىز باسىپ كەتتى
استانا. قازاقپارات - نيكيتا حرۋشيەۆتىڭ نەمەرەسى يۋليا حرۋشيەۆا ماسكەۋدە ەلەكتريچكا استىنا ءتۇسىپ، قازا تاپتى، دەپ حابارلايدى ت ا س س اگەنتتىگى رەسەي استاناسىنىڭ توتەنشە جاعداي قىزمەتىنە سىلتەمە جاساپ.
«بەيسەنبى كۇنى تاڭەرتەڭ 77 جاسار يۋليا حرۋشيەۆا «ميچۋرينەتس» پلاتفورماسىندا ەلەكتريچكا استىنا ءتۇسىپ، قازا تاپتى»، - دەدى اگەنتتىكتىڭ سۇحبات بەرۋشىسى.
اگەنتتىك بەرگەن مالىمەت بويىنشا، ەگدە جاستاعى ايەل تەمىرجولدىڭ جاياۋ جۇرگىنشىلەرگە ارنالماعان تۇسىنان وتكەن. رەسەي ءى ءى م وفا بويىنشا تاسىمالداۋ باسقارماسى باسپا ءسوز قىزمەتىنىڭ ت ا س س اگەنتتىگىنە حابارلاۋىنشا، تەمىرجول ارقىلى وتكەن ايەلدىڭ ولىمگە اكەلەتىن جاراقات العاندىعى انىقتالعان. يۋليا حرۋشيەۆا - ك و ك پ و ك ءبىرىنشى حاتشىسى نيكيتا حرۋشيەۆتىڭ ۇلى لەونيد حرۋشيەۆتىڭ قىزى. لەونيد حرۋشيەۆ ءىز- ءتۇسسىز جوعالىپ كەتكەننەن كەيىن، نيكيتا حرۋشيەۆ نەمەرەسىن اسىراپ العان.
