استانادا شانحاي ىنتىماقتاستىق ۇيىمى جاستار فورۋمى ءوتىپ جاتىر
بيىلعى فورۋم قازاقستاننىڭ شانحاي ىنتىماقتاستىق ۇيىمىنا ءتوراعالىعى اياسىندا وتەدى. وعان رەسەي، ق ح ر، قىرعىزستان، تاجىكستان، بەلارۋس جانە پاكىستان مەن ءۇندىستاننان كەلگەن جاستار ۇيىمىنىڭ كوشباسشىلارى ارنايى كەلدى. فورۋم اياسىندا ءوتىپ جاتقان ش ى ۇ جاستار كەڭەسىنىڭ ح وتىرىسىنا ق ر ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ قاتىستى. ول ش ى ۇ جاستار فورۋمىنىڭ جاستارعا ءتۇرلى سالالاردا ىنتىماقتاستىق ورناتۋ مەن تاجىريبە الماسۋعا ۇلكەن مۇمكىندىك بەرەتىنىن ەرەكشە اتاپ ءوتتى.
«قازاقستان رەسپۋبليكاسى ش ى ۇ اياسىنداعى ىنتىماقتاستىققا، اسىرەسە جاستارعا نەگىزگى ادامي كاپيتال رەتىندە ەرەكشە ءمان بەرەدى. ش ى ۇ جاستار كەڭەسى - الۋان ءتۇرلى سالالاردا ىنتىماقتاستىق ورناتۋعا، تاجىريبە الماسۋعا تاماشا مۇمكىندىك بولىپ تابىلادى. سىزدەردىڭ فورۋم اياسىندا ۇسىنىلاتىن باستامالارىڭىز اراداعى ءوزارا ارەكەتتەستىكتى ارتتىرىپ، ش ى ۇ مەملەكەتتەرىندەگى جاستار ساياساتىندا جاڭا مەحانيزمدەردىڭ جاسالۋىنا مۇمكىندىك بەرەدى» ، - دەدى مينيستر نۇرلان ەرمەكبايەۆ ش ى ۇ جاستار كەڭەسىنىڭ ح وتىرىسىندا.
سونىمەن بىرگە، مينيستر وتكەن جىلى قۇرىلعان ق ر ءدىن ىستەرى جانە ازاماتتىق قوعام مينيسترلىگىنىڭ قىزمەتى تۋرالى، جاستار اراسىنداعى راديكاليزمنىڭ الدىن الۋ قاجەتتىگى تۋرالى باسا ايتتى. « ءدىني فاناتتار مەن ەكسترەميستىك ۇيىم وكىلدەرى ءۇشىن جاستار ەڭ قورعانسىز توپ بولىپ سانالادى. سەبەبى، جاستاردىڭ باسىم بولىگى قيىندىققا بوي بەرىپ، قاۋىپتى توپتارعا قوسىلىپ كەتەدى. سوندىقتان، كاسىپكەرلەردى، سپورتشىلاردى، جاستار اراسىنداعى كوشباسشىلاردى اۋقىمدى جۇمىستار جۇرگىزۋگە، جۇمىسسىز جۇرگەن پروبلەمالى جاستاردى قىزىقتى شارالارعا، جوبالارعا، سپورتقا تارتۋعا شاقىرامىن. بۇل ءبىزدىڭ بولاشاعىمىز ءۇشىن قاجەت» ، - دەدى مينيستر.
شانحاي ىنتىماقتاستىق ۇيىمىنا مۇشە مەملەكەتتەردىڭ جاستارى اراسىندا جان- جاقتى ىنتىماقتاستىقتى كەڭەيتۋگە باعىتتالعان جاستار فورۋمى ەكى كۇنگە سوزىلادى. وندا 2016 -جىلى اتقارىلعان جۇمىستار قورىتىندىلانىپ، 2017-2018 -جىلدارعا ارنالعان جۇمىس جوسپارى بويىنشا تەماتيكالىق سەكتسيالار، سەمينار- ترەنيگتەر، پىكىرسايىستار، كەزدەسۋلەر مەن مادەني شارالار وتەدى.
اۆتور: ايجان سەرىكجان قىزى
