گولوۆكين كەيبىر بوكسشىلاردان قاشىپ ءجۇر - شەتەلدىك باسىلىم
Fighthype.com سايتى ونداي بوكسشىلاردىڭ قاتارىنان دجەرمالل چارلو (25-0, 19 ك و) ، ەريسلاندي لارا (24-2-2, 14 ك و) ، دەمەتريۋس اندرادە (24-0, 16 ك و) مەن دجەرمەلل چارلونى (29-0, 14 ك و) كورىپ وتىر، دەپ حابارلايدى قازاقپارات ءتىلشىسى.
«دجەرمالل چارلو 160 فۋنتقا (72,57 كگ) اۋىستى. ونىڭ اعاسى، اندرادە مەن لارا دا وسى سالماققا اۋىسۋعا دايىن. ولاردىڭ اربىرەۋى ءوز مۇمكىندىگىن قالت جىبەرمەۋگە تىرىسادى. تورتەۋى دە جىلدىڭ اياعىنا دەيىن گولوۆكين- الۆارەس جەكپە- جەگىنىڭ جەڭىمپازىمەن كەزدەسۋگە ءازىر. بۇلاردىڭ بارلىعى - دارىندى بوكسشىلار، جەڭىستى قولدان بەرە سالمايدى. الايدا گولوۆكين دە، الۆارەس تە ولارعا ءمان بەرىپ جاتقان جوق. ءيا، جاس بوكسشىلارعا قارسى شىققان قاۋىپتى. سوسىن گونورار دا ازداۋ بولادى. ماسەلەن، «كانەلو» 154 (69,85) فۋنتتا بوكستاسىپ جۇرگەندە اندرادە مەن اعايىندى چارلولار جايىندا بىردە- ءبىر ءسوز ايتپادى. گولوۆكين مەن الۆارەس كاسىبي بوكستىڭ الاۋىن وزدەرى ۇستاعىسى كەلەدى» ، - دەپ جازدى Fighthype.com.
ايتا كەتەيىك، مەكسيكالىق بوكسشى ساۋل «كانەلو» الۆارەستىڭ پروموۋتەرى وسكار دە لا حويا GGG- گە قارسى الداعى جەكپە- جەكتى ءبىر رەت ەمەس، ەكى رەت ريەۆانشپەن قايتا وتكىزۋگە بولاتىنىن ايتىپ وتىر. ءسويتىپ، گولوۆكين - الۆارەس جەكپە- جەگىن تريلوگياعا دەيىن جالعاستىرۋعا بولادى.
اۆتور: ارمان اسقاروۆ
