عالىمدار اللەرگيادان ءبىرجولا قۇتىلۋدىڭ ءادىسىن تاپتى
بۇل تۋرالى JCI Insight جۋرنالىندا جاريالاندى.
دەمىكپە مەن اللەرگيانىڭ بايلانىسى - ادامنىڭ يممۋندى تورلارى رەاكتسيا بەرىپ، اقۋىزعا انتيگەندەر رەتىندە اسەر ەتۋىندە. بۇل تورلاردىڭ ساقتالۋى ۇزاق بولعاندىقتان، ولاردان قۇتىلۋ وڭايعا سوقپايدى. ءبىز بۇل ماسەلەنى گەندىك تەراپيامەن شەشۋگە تىرىستىق. ت- تورلار جوعارىدا اتالعان اقۋىزداردى ءبىرجولا جويادى» ، - دەپ جازادى اۆستراليانىڭ كۆينسلەند ۋنيۆەرسيتەتىنىڭ زەرتتەۋشىسى رەي ستەپتو.
كوپتەگەن بيولوگتار ادامنىڭ تازالىققا ۇيرەنىپ قالعاندىعىنان اللەرگياسى پايدا بولادى دەپ ويلايدى. بالا كەزىندە ادامنىڭ يممۋندى جۇيەسى تولىق اقپارات الماعاندىقتان ناعىز ميكروپتى شاڭنان، وزگە دە زياندى زاتتاردان اجىراتا المايدى. نەيروفيزيولوگتاردىڭ ايتۋىنشا، انولوگيالىق ادىسپەن التسگەيمەر جانە ميدىڭ باسقا دا اۋتويممۋندى دەرتى پايدا بولادى.
ستەپتونىڭ ايتۋىنشا، يممۋندى تورلاردىڭ «ساقتالۋىن» جويىپ، ونىڭ جاڭا تۋعان ساتىندەگى قالىبىنا اينالدىرۋعا بولادى.
عالىمدار بۇل تاجىريبەنى تىشقاندارعا جاساپ كوردى. ولار قان ءتۇزۋشى توردىڭ د ن ك- سىنا اقۋىزدى قوزدىراتىن جانە جوتەلگە اكەلەتىن تاعى ءبىر گەن قوستى. ونى تەكسەرۋ ءۇشىن ماماندار رەتروۆيرۋس ويلاپ تاۋىپ، ونى دنك تورىنىڭ گەنىنە ەنگىزدى.
ناتيجەسىندە، جىلىك مايىنى تورلارى يممۋندى تورلارعا اسەر ەتىپ، «ساقتالۋ قابىلەتىن» ، اقۋىزدار مولەكۋلاسىن جويدى. تىشقاندار اعزاسىنان وسىدان سوڭ دەمىكپە بەلگىلەرى بايقالعان جوق.
مامانداردىڭ ايتۋىنشا، گەندى تەراپيانى اراحيس مايىنان، بالدان، وزگەدە زاتتاردان جاساۋعا بولادى. عالىمدار بۇل تاجىريبەنى ادامدارعا جاساپ كورۋ ءۇشىن ءالى دە 5-6 جىل زەرتتەۋ جۇرگىزۋ كەرەك ەكەنىن ايتادى. ەگەر دەمەۋشىلەر تابىلىپ جاتسا، ودان دا از ۋاقىتتا جاساۋعا بولادى.
مالىمەتتەرگە سۇيەنسەك، الەمدە ادامداردىڭ ۇشتەن ءبىرى اللەرگيانىڭ ءار تۇرىمەن زارداپ شەگەدى. ولاردىڭ ۇشتەن ەكىسى ماۋسىمدىق اللەرگيامەن اۋىرادى. ولار شاڭنان، تابيعاتتان بولادى. قالعاندارى دەمىكپە مەن قاۋىپتى دەرتتەن كەلەدى.
