قازاقستاننىڭ ءانۇرانى ءتۇرلى مۋزىكالىق اسپاپتاردا قالاي ەستىلەدى

 استانا. قازاقپارات - قازاقستاننىڭ مەملەكەتتىك ءانۇرانى ءتۇرلى مۋزىكالىق اسپاپتاردا ادەمى ءارى قۇلاققا جاعىمدى ەستىلەدى.

«قازاقپارات» ح ا ا اۆتورلاردىڭ ديپلوماتيالىق قابىلداۋلاردا، كونسەرتتەردە جانە كوشەلەردە ەلىمىزدىڭ باستى مۋزىكاسىن ورىنداپ جاتقان ۆيدەولارىنىڭ توپتاماسىن دايىندادى.

تاياۋدا استانادا ازەربايجاننىڭ تانىمال ارتىستەرى قازاقستاننىڭ ءانۇرانىن وزدەرىنىڭ ۇلتتىق اسپاپتارىندا - بالابان مەن تارادا ورىندادى. بالابان - قوس تاياعى بار تىلدىك اعاش ۇرلەمەلى مۋزىكالىق اسپابى. ونىڭ 9 ويىن تەسىگى بار تۇتقاسى بار. تار - ىشەكتى شەرتپەلى (پلەكتورلىق) مۋزىكالىق اسپاپ.

ءانۇران ساكسوفونمەن بىلايشا ەستىلەدى. امەريكالىق ءانۇراندى ا ق ش- تاعى گارۆارد ۋنيۆەرسيتەتىنىڭ ىشكى اۋلاسىندا ورىندادى.

 

جاپونيانىڭ جاس پيانينوشىلارىنىڭ ءبىرى دجۋننا يۆاساكي قازاقستاننىڭ ءانۇرانىن رويالدا وينادى.

 

ۆيدەو اۆتورىنىڭ ايتۋىنشا، قازاقستاننىڭ باستى مۋزىكاسىن شوتلاندىق فلەيتادا ورىنداعان.

 

ءانۇرانىمىز ەلەكتروندى گيتارادا دا ەرەكشە ەستىلەدى ەكەن. ونى 22 جاستاعى استانالىق دۋمان باەتوۆ ورىنداعان.

 

سونداي- اق №2 بايقوڭىر قالالىق بالالار مۋزىكالىق مەكتەبىنىڭ وقۋشىسى ءسابينا جانۇزاقوۆا گيمندى سكريپكادا وينادى.

 

قازاقستاننىڭ ءانۇرانى سكريپكامەن وڭتۇستىك كورەيادا دا ورىندالدى.

 

ال مىناۋ - الماتىداعى گيمنازيا وقۋشىلارىنىڭ، جاس مۋزىكانتتاردىڭ ونەر كورسەتۋى. 2015 -جىلى قىركۇيەكتە 5000-نان استام ادام قازاقستان رەسپۋبليكاسىنىڭ ءانۇرانىن «ماڭگىلىك ەل» تەاترلاندىرىلعان شوۋدا شىرقادى.

 

ەسكە سالايىق، 1992 -جىلعى ماۋسىمنىڭ 4-دە تاۋەلسىز قازاقستاننىڭ جاڭا مەملەكەتتىك رامىزدەرى العاش رەت بەكىتىلدى. «مەنىڭ قازاقستانىم» - 2006 -جىلدان بەرى قازاقستان رەسپۋبليكاسىنىڭ مەملەكەتتىك ءانۇرانى. قازاقستان رەسپۋبليكاسىنىڭ جاڭا مەملەكەتتىك ءانۇرانىنىڭ ءانىن ءشامشى قالداياقوۆ، ءسوزىن جۇمەكەن ناجىمەدەنوۆ (1956)، نۇرسۇلتان نازاربايەۆ (2005) جازدى.